قىتايدا ەسىرتكى زاتتارىن تاسمالدادى دەپ ايىپتالعان اقجارقىن تۇرلىبايعا قاتىستى سوت شەشىمى وزگەرىسسىز قالدى. بۇل تۋرالى قازاقستاننىڭ سىرتقى ىستەر مينيسترلىگى مالىمدەدى.
مينيسترلىك باسپا ءسوز قىزمەتىنىڭ حابارلاۋىنشا، گۋانجوۋ سوتى 27 جەلتوقساندا اقجارقىن تۇرلىبايعا قاتىستى شىققان ءومىر بويى باس بوستاندىعىنان ايىرۋ ۇكىمىن وزگەرىسسىز قالدىرعان. سوت وتىرىسىنا ادۆوكاتتار مەن قازاقستاننىڭ قىتايداعى ەلشىسى قاتىستى. سوت ۇكىمى 10 كۇن وتكەن سوڭ كۇشىنە ەنەدى.
اقجارقىن تۇرلىباي 2014 جىلى ناۋرىز ايىندا قىتايدا تۇتقىندالعان. 2015 جىلى ماۋسىمدا جۇڭگو سوتى تۇرلىبايدى ومىرلىك تۇرمە جازاسىنا كەسكەن. 2016 جىلى ءساۋىر ايىندا اپەللياسيالىق سوت ۇكىمنىڭ كۇشىن جويىپ، ءىستى قايتا قاراۋ ءۇشىن ءبىرىنشى ينستانسياعا قايتارعان. تۇرلىباي وزىنە تاعىلعان ايىپتى مويىنداماعان.
پىكىر قالدىرۋ