«ءبىرىنشى كەزەڭدەگى  مەديسينالىق وڭالتۋ شارالارى» بيزنەس-پروسەسءى

پاسيەنتتى گوسپيتاليزاسيالاۋ باستاپقى مەديسينالىق سانيتارلىق كومەك ماماندارىنىڭ جولداماسى نەمەسە باسقا دا مەديسينالىق ۇيىمنىڭ گوسپيتاليزاسيالاۋ بيۋروسى اقپاراتتىق جۇيەسىنىڭ كۇتۋ پاراعىنا تىركەۋ ارقىلى جوسپارلى تۇردە جۇرگىزىلەدى. كەيىن جوسپارلى گوسپيتاليزاسيالاۋ تالونى بەرىلەدى.

ستاسيوناردا جۇمىس ىستەيتىن مامان گوسپيتاليزاسياعا جىبەرىلگەن پاسيەنتتەردىڭ ءتىزىمىن كۇندە قاراپ، بەيىنى بويىنشا بوس ورىندار تۋرالى مالىمەت دايىندايدى. وسىلايشا 9.30-عا دەيىن گوسپيتاليزاسيالاۋ بيۋروسى اقپاراتتىق جۇيەسىنىڭ تىركەۋ پاراعى پورتالىنداعى بوس ورىندارعا ەنگىزەدى. قابىلداۋ بولىمىندە پاسيەنتتەردى قابىلداۋ مەن تىركەۋ ۇيىمنىڭ بەكىتىلگەن كەستەسى بويىنشا جۇمىس ۋاقىتىندا كومەككە جۇگىنگەن ۋاقىتتان 60 مينۋت ىشىندە جۇرگىزىلەدى.

دارىگەردىڭ تاعايىنداۋ پاراعى مەن مەديسينالىق كارتا گوسپيتاليزاسيالاۋ بيۋروسى اقپاراتتىق جۇيەسىندەگى №907 بۇيرىققا سايكەس 003/ۋ فورماسى بويىنشا راسىمدەلەدى.

قاجەت بولعان جاعدايدا قابىلداۋ بولىمىندە كونسيليۋم ۇيىمداستىرىلادى (دياگنوزدى قويىپ، ەمدەۋ تاكتيكاسىن انىقتاۋ ماقساتىندا كەمىندە ءۇش جوعارى بىلىكتىلىگى بار ءبىر سالا ماماندارى نەمەسە باسقا مامان پاسيەنتكە قوسىمشا تەكسەرۋلەر جۇرگىزەدى). تولىق تەكسەرۋدەن كەيىن مەديسينالىق قارسى كورسەتىلىمدەر بولماعان جاعدايدا پاسيەنت بەيىندى بولىمگە جاتقىزىلادى.

ەمدەلۋشى مەن دەنساۋلىق ساقتاۋ ۇيىمى اراسىندا №418 بۇيرىققا سايكەس مەديسينالىق كومەك كورسەتۋ بويىنشا تيپتىك كەلىسىم-شارت جاسالادى. مەديسينالىق قىزمەت پاسيەنتتەن نەمەسە ونىڭ زاڭدى وكىلىنەن ەمدەۋ دياگنوستيكالىق شارالارىن جۇرگىزۋگە ەرىكتى تۇردە كەلىسىم بەرىلگەن سوڭ كورسەتىلەدى.

پاسيەنت اۋرۋحاناعا تۇسكەن كۇنى دارىگەر ونى تەكسەرىپ، قاجەت ەم-دومداردى جازىپ بەرەدى جانە ول تۋرالى ەمدەلۋشىنى حاباردار ەتەدى. سونداي-اق، ونى دەمالىس جانە مەرەكە كۇندەرىنەن باسقا كەزدە كۇن سايىن تەكسەرىپ تۇرادى. كلينيكالىق دياگنوز گوسپيتاليزاسيالانعان كۇننەن باستاپ 3 كۇنتىزبەلىك كۇننەن كەشىكپەي ءبولىم باسشىلىعىمەن بىرگە قويىلادى. ەگەر كەزەكشى دارىگەر پاسيەنتتى قاراپ نەمەسە قوسىمشا دياگنوستيكالىق جانە ەمدەۋ شارالارىن جۇرگىزسە، مەديسينالىق كارتاعا مىندەتتى تۇردە جازبا قالدىرادى. پاسيەنتتىڭ جاعدايى كۇرت ناشارلاعان جاعدايدا كەزەكشى دارىگەر ءبولىم باسشىسىنا/ەمدەۋشى دارىگەرگە ايتادى. وسىلايشا دياگنوستيكا جانە ەمدەۋ پروسەسىنە ەنگىزىلگەن وزگەرتۋلەر بويىنشا ءوزى تاعايىنداعان ەم بويىنشا كەلىسىم الىپ، ستاسيونارلىق ناۋقاستىڭ ەلەكتروندىق تىركەلىمى اقپاراتتىق جۇيەسىندەگى مەديسينالىق كارتاعا جازبا ەنگىزەدى.

ستاسيوناردان ەمدەلىپ شىققان پاسيەنتكە 027/ۋ جانە 107/ۋ فورماسى بويىنشا وڭالتۋ كارتاسى بەرىلەدى. ول جەردە كلينيكالىق دياگنوز، جۇرگىزىلگەن دياگنوستيكالىق زەرتتەۋلەر كولەمى مەن ەمدەۋ شارالارى، ارى قارايعى باقىلاۋ مەن ەمدەلۋ تۋرالى ۇسىنىمدار جازىلادى (امبۋلاتورلىق پوليكلينيكالىق كومەك، باستاپقى مەديسينالىق سانيتارلىق كومەك بويىنشا كۇندىزگى ستاسيوناردا مەديسينالىق كومەك كورسەتۋ، تاۋلىك بويعى ستاسيوناردا كۇندىزگى كومەك كورسەتۋ نەمەسە قالپىنا كەلتىرۋ ەمى جانە مەديسينالىق وڭالتۋ كومەگى (ەكىنشى كەزەڭ). بۇل جازبالار  ستاسيونارلىق ناۋقاستىڭ ەلەكتروندىق تىركەلىمى اقپاراتتىق جۇيەسىنە جانە گوسپيتاليزاسيالاۋ بيۋروسىنا اۋرۋحانادان شىققان ناقتى ۋاقىتىمەن ءدال سول كۇنى ەنگىزىلەدى.

«ەكىنشى كەزەڭدەگى مەديسينالىق وڭالتۋ» بيزنەس پروسەسى

ەكىنشى كەزەڭدەگى قالپىنا كەلتىرۋ ەمى مەن مەديسينالىق وڭالتۋ ستاسيونارداعى ناۋقاستىڭ ەلەكتروندىق تىركەلىمى اقپاراتتىق جۇيەسىندە جاڭادان تىكەرەلەدى. ەمدەلۋشى مەن دەنساۋلىق ساقتاۋ ۇيىمى اراسىندا №418 بۇيرىققا سايكەس مەديسينالىق كومەك كورسەتۋ بويىنشا تيپتىك كەلىسىم-شارت جاسالادى. مەديسينالىق قىزمەت پاسيەنتتەن نەمەسە ونىڭ زاڭدى وكىلىنەن ەمدەۋ دياگنوستيكالىق شارالارىن جۇرگىزۋگە ەرىكتى تۇردە كەلىسىم بەرىلگەن سوڭ كورسەتىلەدى. مەديسينالىق وڭالتۋ نوزولوگياعا، پاسيەنت جاعدايىنىڭ اۋىرلىق دارەجەسىنە جانە جۇمىس ىستەۋدىڭ حالىقارالىق جىكتەلۋى نەگىزىندە بيوالەۋمەتتىك فۋنكسيالاردىڭ بۇزىلۋىنا بايلانىستى بالمەن قالپىنا كەلتىرۋ دارەجەسىمەن وڭالتۋ مارشرۋتتاۋ شكالاسى بويىنشا مۋلتيتارتىپتىك توپ ماماندارىنىڭ قاتىسۋىمەن جۇزەگە اسىرىلادى (ستاسيونار جاعدايىندا 2-4 بالل).

پاسيەنت اۋرۋحاناعا تۇسكەن كۇنى دارىگەر ونى تەكسەرىپ، قاجەت ەم-دومداردى جازىپ بەرەدى جانە ول تۋرالى ەمدەلۋشىنى حاباردار ەتەدى. سونداي-اق، ونى دەمالىس جانە مەرەكە كۇندەرىنەن باسقا كەزدە كۇن سايىن تەكسەرىپ تۇرادى. مەديسينالىق كارتا (027/ۋ) مەن وڭالتۋ كارتاسىنا (107/ۋ فورماسى) ەمدەۋ بويىنشا جازبالار ەنگىزىلەدى. پاسيەنتتىڭ جاعدايى كۇرت ناشارلاعان جاعدايدا كەزەكشى دارىگەر ءبولىم باسشىسىنا/ەمدەۋشى دارىگەرىنە ايتادى. وسىلايشا دياگنوستيكا جانە ەمدەۋ پروسەسىنە ەنگىزىلگەن وزگەرتۋلەر بويىنشا ءوزى تاعايىنداعان ەم بويىنشا كەلىسىم الىپ، مەديسينالىق جانە وڭالتۋ كارتالارىنا جازبا ەنگىزەدى.

ستاسيوناردان ەمدەلىپ شىققان پاسەنتكە 027/ۋ جانە 107/ۋ فورماسى بويىنشا وڭالتۋ كارتاسى بەرىلەدى. ول جەردە كلينيكالىق دياگنوز، جۇرگىزىلگەن دياگنوستيكالىق زەرتتەۋلەر كولەمى مەن ەمدەۋ شارالارى، ارى قارايعى باقىلاۋ مەن ەمدەلۋ كورسەتىلەدى (اپك دەڭگەيىندە قالپىنا كەلتىرۋ جانە مەديسينالىق وڭالتۋ شارالارىن كورسەتۋ (3 كەزەڭ)، سونداي-اق ءپاللياتيۆتى كومەك پەن مەدبيكە كۇتىمى).

ەگەر ءۇشىنشى كەزەڭدەگى قالپىنا كەلتىرۋ جانە مەديسينالىق وڭالتۋ قاجەت بولماسا، مەديسينالىق كومەك كورسەتۋ اياقتالادى.

بۇل جازبالار ستاسيونارلىق ناۋقاستىڭ ەلەكتروندىق تىركەلىمى اقپاراتتىق جۇيەسىنە جانە گوسپيتاليزاسيالاۋ بيۋروسىنا اۋرۋحانادان شىققان ناقتى ۋاقىتىمەن ءدال سول كۇنى ەنگىزىلەدى.

«ءۇشىنشى كەزەڭدەگى مەديسينالىق وڭالتۋ» بيزنەس پروسەسى

ءوز ەركىمەن قوزعالا الاتىن پاسيەنتتەردى مەديسينالىق وڭالتۋ (نەمەسە قوسىمشا قۇرىلعىنىڭ كومەگىمەن)، سونداي-اق قارقىندى ەمدەۋدى قاجەت ەتپەيتىن بولسا، ەم-دوم تاۋلىك بويعى نەمەسە كۇندىزگى ستاسيوناردا جۇرگىزىلەدى.

مەديسينالىق وڭالتۋ كۋرسى اياقتالعان سوڭ ۇيلەستىرۋشى دارىگەر قولحات ارقىلى پاسيەنتتىڭ قولىنا №907 بۇيرىعىمەن بەكىتىلگەن جانە وڭالتۋ شارالارى كورسەتىلگەن مەديسينالىق كارتانىڭ 027/ۋ فورماسى بويىنشا كوشىرمەسىن بەرەدى. سونداي-اق «گوسپيتاليزاسيالاۋ بيۋروسى» اقپاراتتىق جۇيەسىندە ەلەكتروندى فورماتتا 027/ۋ فورماسى جاسالادى.

امبۋلاتورلىق كەزەڭدە باستاپقى مەديسينالىق سانيتارلىق كومەك كورسەتەتىن جالپى پراكتيكا دارىگەرى (ۋچاسكەلىك دارىگەر/تەراپيەۆت) بەيىندى ماماندار جانە مۋلتيتارتىپتىك كوماندا ماماندارمەن بىرلەسە وتىرىپ مەديسينالىق كورسەتىلىمدەر مەن قارسى كورسەتىلىمدەردى، مەديسينالىق وڭالتۋدى جۇرگىزۋ ءۇشىن ۇيىمداستىرۋ كەزەڭىن انىقتايدى جانە جەكە وڭالتۋ باعدارلاماسىنىڭ بولىگىن قالىپتاستىرادى. مەديسينالىق وڭالتۋ بويىنشا كورسەتىلگەن قىزمەتتەر مەديسينالىق اقپاراتتىق جۇيەگە ەنگىزىلەدى.

مۋلتيتارتىپتىك كوماندانى (متك) ۇيلەستىرۋشى دارىگەر باسقارادى. ول مەديسينالىق رەابيليتولوگيا سۇراقتارى بويىنشا وقىتۋدان وتكەن متك قىزمەتىنىڭ جەتەكشى دارىگەرى جانە ۇيلەستىرۋشىسى. متك قۇرامىندا:

• ۇيلەستىرۋشى دارىگەر
• رەابيليتولوگ دارىگەر («مەديسينالىق رەابيليتولوگيا، قالپىنا كەلتىرۋ ەمى (فيزيوتەراپيا، ەمدىك دەنە شىنىقتىرۋ، كۋرورتولوگيا) (ەرەسەكتەر، بالالار) بويىنشا جوعارى مەديسينالىق ءبىلىمى بار)؛
• پسيحولوگيا سالاسىنداعى مامان («پسيحياتريا» (ناركولوگيا، مەديسينالىق پسيحولوگيا) ماماندىعى بويىنشا جوعارى مەديسينالىق ءبىلىمى بار نەمەسە مەديسينالىق ەمەس (پەداگوگيكالىق) «پسيحولوگيا» ماماندىعى بويىنشا جوعارى ءبىلىمى بار)؛
• ەمدىك مادەنيەت بويىنشا جاتتىقتىرۋشى مامان (مەديسينالىق، مەديسينالىق ەمەس (پەداگوگيكالىق) جوعارى ءبىلىمى بار)؛
• ەمدىك مادەنيەت بويىنشا نۇسقاۋشى مامان، ەمدىك دەنە شىنىقتىرۋ كابينەتىنىڭ مەدبيكەسى (ورتا مەديسينالىق جانە مەديسينالىق ەمەس (پەداگوگيكالىق) ءبىلىمى بار)؛
• ەڭبەك تەراپياسى بويىنشا نۇسقاۋشى مامان (مەديسينالىق ەمەس (پەداگوگيكالىق) جوعارى ءبىلىم)؛
• ەڭبەك تەراپياسى بويىنشا نۇسقاۋشى مامان (ورتا مەديسينالىق جانە مەديسينالىق ەمەس (پەداگوگيكالىق) ءبىلىم)؛
• فيزيوتەراپيالىق كابينەتتىڭ مەدبيكەسى؛ كۇتىم بويىنشا مەدبيكە؛ الەۋمەتتىك جۇمىسكەر.

ۇيلەستىرۋشى دارىگەر پاسيەنتتى متك ماماندارىنان قۇرالعان بەيىندى ماماندار كونسۋلتاسياسىنا جىبەرەدى. ولار باعالاۋ تەستىن وتكىزىپ، متك قورىتىندىسىن شىعارادى. مۇندا قىزمەت كورسەتەتىندەر:

• «ءداستۇرلى تەراپيا» بەيىنى بويىنشا جوعارى مەديسينالىق ءبىلىمى بار مامان (رەفلەكسوتەراپيا، مانۋالدى تەراپيا، سۋ-دجوك-تەراپيا، گومەوپاتيا، گيرۋدوتەراپيا، فيتوتەراپيا جانە ت.ب.)
• «فۋنكسيونالدى دياگنوستيكا» بەيىنى بويىنشا جوعارى ءبىلىمى بار مامان؛
• «وتورينولارينگالوگيا (سۋردولوگيا) (ەرەسەك، بالالار)»، «وفتالمولوگيا (ەرەسەك، بالالار)»، «تەراپيا (ديەتولوگيا)»، "پسيحياتريا (ناركولوگيا، مەديسينالىق پسيحولوگيا) (ەرەسەك، بالالار)" بەيىنى بويىنشا جوعارى ءبىلىمى بار مامان؛
• ماسساج كابينەتىنىڭ مەدبيكەسى؛
• لوگوپەد، دەفەكتولوگ ءمۇعالىم، سۋردولوگ ءمۇعالىم، تيفلوپەداگوگ، تاربيەشى، بالالاردى وقىتاتىن ءمۇعالىم (پەداگوگ)، الەۋمەتتىك پەداگوگ، مۋزىكا ءمۇعالىمى؛
• جوعارى نەمەسە ورتا مەديسينالىق نەمەسە مەديسينالىق ەمەس ءبىلىمى بار ورتەزيست مامان؛

ارى قاراي ەمدەلۋشى رەابيليتولوگ دارىگەردىڭ كونسۋلتاسياسىنا بارادى، كەيىن ورتا مەديسينالىق قىزمەتكەر مەديسينالىق وڭالتۋ قىزمەت الۋ كەستەسىن جاسايدى. پاسيەنت مەديسينالىق وڭالتۋدى جۋرنالدا بەلگى قويۋ بويىنشا كەستەگە سايكەس رەابيليتولوگ دارىگەردىڭ باقىلاۋى بويىنشا الادى.

مەديسينالىق وڭالتۋ كۋرسىنان كەيىن دارىگەر رەابيليتولوگ پاسيەنتتى قايتا قابىلداۋ قاجەتتىلىگى تۋرالى شەشىم قابىلدايدى.