بۇگىن، 27 جەلتوقساندا الماتى اۋەجايىنا جاقىن قىزىلتۋ اۋىلىنىڭ ماڭىندا Bek Air اۋەكومپانياسىنىڭ Fokker-100 ۇشاعى اپاتقا ۇشىرادى. الماتى اۋەجايى باسپا ءسوز قىزمەتىنىڭ دەرەگىنشە، ۇشاقتا 93 جولاۋشى مەن بەس ەكيپاج مۇشەسى بولعان. ىشكى ىستەر مينيسترلىگى حابارلاعان سوڭعى مالىمەت بويىنشا، اپاتتان بارلىعى 12 ادام قازا بولعان. ولاردىڭ اراسىندا 58 جاستاعى ەكيپاج كاپيتانى مارات مۇراتبايەۆ بار. 

ۇشاق اپاتىنا بايلانىستى الماتى اۋەجايىندا وتكەن باسپا ءسوز جيىنىندا قازاقستان پرەمەر-مينيسترىنىڭ ورىنباسارى رومان سكليار "Fokker-100  ۇشاعىنىڭ ارتقى بولىگى ۇشىپ-قونۋ جولاعىنا ەكى رەت تيگەن. ۇشاق سودان كەيىن وڭ جاقا قاراي بۇرىلعان. ول كەزدە شاسسي (ۇشاق دوڭگەلەگى - رەد.) جينالىپ قويعان. ۇشاق ۇشىپ كەتپەك بولعانىمەن وڭ جاققا اۋىپ كەتىپ، جەكە ءۇيدىڭ قورشاۋىنا سوعىلعان" دەپ مالىمدەدى. سكليار ۇشاقتىڭ "تەحنيكالىق اقاۋدان نەمەسە ۇشقىش قاتەلىگىنەن قۇلاعان بولۋى مۇمكىن" دەپ ايتتى. ول مۇنىڭ الدىن الا بولجام ەكەنىن ەسكەرتتى.

قازاقستاندا بۇعان دەيىن دە ونداعان اۋە اپاتى بولعان. Qamshy.kz اقپارات اگەنتتىگىنىڭ ءتىلشىسى سولاردىڭ ەڭ ءىرىسىن نازارلارىڭىزعا ۇسىنادى. 

2012 جىلى جەلتوقساننىڭ 25ء-ى كۇنى شىمكەنت قالاسىنىڭ اۋەجايىنان 20 شاقىرىم جەردە استانادان (قازىرگى نۇر-سۇلتاننان) شىمكەنتكە بەت العان "ان-72" ۇشاعى قۇلادى. بۇل ۇشاق قازاقستان ۇلتتىق قاۋىپسىزدىك كوميتەتى شەكارا قىزمەتىنە تيەسىلى بولاتىن.  ۇشاق بورتىندا جەتى ەكيپاج مۇشەسى مەن 20 اسكەري قىزمەتكەر بولدى. ولاردىڭ اراسىندا سول كەزدەگى ۇقك شەكارا قىزمەتىنىڭ ديرەكتورى، پولكوۆنيك  تۇرعانبەك ستامبەكوۆ پەن ونىڭ ايەلى دە بار. ۇشاقتا بولعان ادامداردىڭ بارلىعى اپات بولعان جەردە قازا تاپتى. 

2013 جىلى قاڭتاردىڭ 29-ى كۇنى الماتى اۋەجايىنا جاقىن قىزىلتۋ اۋىلىنىڭ تۇسىنا "كوكشەتاۋ-الماتى" باعىتى بويىنشا ۇشىپ كەلە جاتقان SCAT اۋەكومپانياسىنىڭ "Challenger-200" ۇشاعى قۇلاپ، 21 ادام قازا تاپتى. ولاردىڭ  بەسەۋى ەكيپاج مۇشەسى، 16-ى جولاۋشى بولعان. اپاتتان ۇشاق بورتىندا بولعان ەشبىر ادام ءتىرى قالمادى. 

2015 جىلى 20 قاڭتاردا ۇشاق اپاتى جامبىل وبلىسىندا بولدى. بالقاشتان شاتىركول كەنىشىنە ۇشىپ بارا جاتقان "وليمپ ەير" اۋە كومپانياسىنا تيەسىلى "ان-2" ۇشاعى جامبىل وبلىسىنىڭ شۋ اۋدانى اۋماعىندا قۇلادى. ۇشاقتا ءتورت قىزمەتكەر مەن ءۇش ەكيپاج مۇشەسى بولدى. ولاردىڭ اراسىنان "بالحاشسۆەتمەت" كومپانياسىنىڭ باس گەولوگى اسەم شاياحمەتوۆا عان ءتىرى قالدى. ال "قازاقمىس" كومپانياسىنىڭ ءۇش قىزمەتكەرى مەن ەكيپاجدىڭ ءۇش مۇشەسى قازا تاپتى. 

2016 جىلى قاڭتاردىڭ 27ء-ى كۇنى "اسپان" اۋە كومپانياسىنىڭ "UP-MD 600-N" " تىكۇشاعى الاكول اۋدانىنىڭ ءۇشارال قالاسىنان ناۋقاستانىپ قالعان ءسابيدى وبلىستىق اۋرۋحاناعا جەتكىزۋى ماقساتىندا تالدىقورعانعا قاراي ۇشىپ شىعىپ، كەيىن راداردان جوعالىپ كەتتى. كەلەسى كۇنى ۇشاقتىڭ اپاتقا ۇشىرعانى بەلەگىلى بولدى. تىكۇشاق بورتىندا ۇشقىش، ەكى دارىگەر جانە بالا مەن انا بولعان. ولاردىڭ بەسەۋى دە قازا تاپتى. 

2016 جىلى 27 ماۋسىمدا الماتى وبلىسىنداعى بەرەكە اۋىلىنىڭ ماڭىنا "تامشىبۇلاق" جشس-عا تيەسىلى "ان-2" ۇشاعى اپاتتى جاعدايدا قوندى. سونىڭ سالدارىنان بورتتا بولعان ەكى ادامنىڭ بىرەۋ قازا تاپتى.

2017 جىلى 10 تامىزدا الماتىدان 43 كيلومەتر قاشىقتىقتاعى "ازەم" ايرودرومىندا وقۋ-جاتتىعۋ تاپسىرماسىن ورىنداۋ ماقساتىندا اۋەگە كوتەرىلگەن ازاماتتىق اۆياسيا اكادەمياسىنا تيەسىلى "تەسپام-P 2002" ۇشاعى   قۇلادى. اپات سالدارىنان ۇشقىش-نۇسقاۋشى جانە كۋرسانت قازا تاپتى.   

2017 جىلى 27 شىلدە الماتى وبلىسىنىڭ جاركەنت قالاسىنان سولتۇستىككە قاراي 10 شاقىرىم جەردە جۇگەرى القاپتارىنا زيانكەستەردەن قورعايتىن دارى-دارمەك سەبۋ ءۇشىن اۋەگە كوتەرىلگەن "كازاۆيا" اۆياكومپانياسىنىڭ "ياك-12" تىكۇشاعى قۇلاپ، جانىپ كەتتى. بورتتا بولعان ەكى ادام - ۇشقىش حاميت اقبەرگەنوۆ پەن "ارشيدينوۆ" شارۋا قوجالىعىنىڭ باسشىسى ءماسىمجان ءماسىموۆ قازا بولدى.  

2017 جىلى 3 قازاندا الماتىدا East Wing اۆيكومپانياسىنىڭ "ان-28" ۇشاعى قۇلاپ، جانىپ كەتتى. بۇل ۇشاق "الماتى – شىمكەنت" باعىتى بويىنشا ۇشقان. بورتتا بولعان بەس ادامنىڭ بارلىعى قازا تاپتى.