ادىلەت مينيسترلىگى Bek Air اۋە كومپانياسىنىڭ جەتەكشىلەرى تۋرالى اقپاراتپەن ءبولىستى، دەپ جازادى Qamshy.kz اقپارات اگەنتتىگى tengrinews.kz سايتىنىڭ دەرەگىن نەگىزگە الىپ.

مينيسترلىك تاراتقان اقپاراتقا ساي، BEK AIR ج ش س 2011 جىلعى 12 مامىردا تىركەلگەن. جەتەكشىسى – موناحوۆ ۆلاديمير ميحايلوۆيچ، قۇرىلتايشىسى – جارقىمبايەۆ ساكەن توقپاي ۇلى. 2017 جىلعى 18 ساۋىردە قۇرىلتايشىلىقتىڭ شۇلەنبايەۆ دامير ماراتۇلىنا اۋىسۋىنا بايلانىستى قايتا تىركەۋدەن وتكەن.

كومپانيا جۇمىس ىستەگەلى ءۇش جەتەكشى اۋىسقان: 2013 جىلعى 29 شىلدەدە – جۇماسۇلتانوۆا ايگۇل فايزۋللا قىزى، 2016 جىلعى 18 شىلدەدە – جۇماسۇلتانوۆا دينا نۇرلان قىزى، 2019 جىلعى 25 ساۋىردە – بياحمەتوۆ رۋستام يلياس ۇلى جەتەكشىلىككە كەلگەن.

بۇعان دەيىن، يندۋستريا جانە ينفراقۇرىلىمدىق دامۋ ۆيسە-مينيسترى بەرىك كامالييەۆ  Bek Air كومپانياسىنىڭ قۇرىلتايشىسى نۇرلان جۇماسۇلتانوۆ ەكەنىن ايتقان.