Absolute Championship Akhmat پروموۋتەرلىك ورتالىعى ينستاگرامداعى پاراقشاسىندا الماتىدا وتەتىن اCA 105 ءتۋرنيرىنىڭ انونسىن جاريالادى.
6 ناۋرىز كۇنى الماتى ارەنادا وتەتىن سپورتتىق شارانىڭ العاشقى جۇبى دا بەلگىلى. تۋرنيردە قازاقستاندىق سپورتشى ارمان وسپانوۆ رەسەيلىك راسۋل ميرزايەۆپەن كەزدەسپەك.
جەكپە-جەك جارتىلاي ورتا سالماقتا (65،8 كگ) وتەدى.
ميرزايەۆ بۇعان دەيىن باسقا قازاقستاندىق سپورتشى – ەرجان ەستانوۆپەن كەزدەسىپ، ۇشەۋىندە دە باسىم تۇسكەن بولاتىن.
وسپانوۆ – ميرزايەۆ جەكپە-جەگى 2018 جىلى ءوتۋى ءتيىس بولعان. الايدا ارمان دەنساۋلىعىنا بايلانىستى ماسكەۋدەگى ACB 90 تۋرنيرىنە قاتىسقان جوق.
