پرەمەر-مينيستردىڭ ورىنباسارى بەردىبەك ساپاربايەۆتىڭ ايتۋىنشا، ارنايى جۇمىس توبى قۇرىلىپ ونىڭ قۇرامىنا بەلگىلى عالىمدار، ساراپشىلار جانە ت.ب. ەنگىزىلگەن.

"ءبىز حالىقارالىق تاجىريبەنى زەرتتەپ، زەينەتاقى جيناقتارىن پايدالانۋعا قاتىستى پرەزيدەنت اكىمشىلىگىنە ۇسىنىستار ەنگىزدىك. مەن بارلىعى جيناقتالعان سوماعا بايلانىستى بولاتىنىن اتاپ وتكىم كەلەدى"،  – دەدى ول.

ساپاربايەۆ بۇگىنگى تاڭدا قازاقستاندىقتاردىڭ ورتاشا ءومىر ءسۇرۋ ۇزاقتىعى 73 جىل ەكەنىن ايتتى.

"زەينەتاقى قورىندا شوتتارى بار قازاقستاندىقتاردىڭ جارتىسىنا جۋىعىندا – 1 ملن تەڭگەدەن ارتىق ەمەس. ال جەتكىلىكتى سوما – شامامەن 10 ملن تەڭگەدەن 12 ملن تەڭگەگە دەيىن. مۇنداي سوممامەن بىزدە 102 مىڭ ادام عانا بار"، – دەپ ناقتىلادى ول.

ساپاربايەۆ اتاپ وتكەندەي، ءدال وسى ادامدار تۇرعىن ءۇي قورىن پايدالانۋعا نەمەسە ەمدەلۋگە رۇقسات بەرگىسى كەلەدى.

"ماسەلە ءبىزدىڭ كەپىلدى مىندەتتى مەديسينالىق كومەك كورسەتۋ نەمەسە ءمامس جەلىسى بويىنشا كوزدەلمەگەن ەمدەۋ تۇرلەرى تۋرالى بولىپ وتىر. بۇل ۇسىنىس ازىرشە پرەزيدەنت اكىمشىلىگىندە شەشىم تاپقان جوق. قانداي شەشىم قابىلدانعانى تۋرالى ءبىز سىزدەرگە حابارلايتىن بولامىز"، – دەپ اتاپ ءوتتى پرەمەر-مينيستردىڭ ورىنباسارى.

تۇرعىن ءۇي ساتىپ الۋ ءۇشىن زەينەتاقى اقشاسىن پايدالانۋ جونىندەگى ۇسىنىستار جاقىن ارادا پرەزيدەنتتىڭ قاراۋىنا ەنگىزەتىن بولادى.