الماتىدا ءماسليحات پەن ءماجىلىس دەپۋتاتتارى، ءىىد، تجد، "نۇر وتان" پارتياسىنىڭ، كاسىپكەرلەر پالاتاسى مەن اكىمدىك وكىلدەرى قالانىڭ ءۇش اۋدانىنداعى لايلى تاسقىننان زارداپ شەككەندەرگە كومەك كورسەتۋ ماسەلەلەسىن تالقىلادى، - دەپ حابارلايدى «قامشى» پورتالى Tengrinews.kz سايتىنا سىلتەمە جاساي وتىرىپ.
شۇعىل تۇردە باس قوسقان جينالىستا كوشەلەر مەن ۇيلەردى جىلدام تازالاپ شىعۋعا ارنايى ينۆەنتار، كۇرەك، ەتىك قاجەت، سونىمەن قاتار، سۋ سورۋعا ارنالعان تەحنيكا جەتپەي جاتىر. مۇنىمەن بىرگە، بارىنشا جىلدام جۇمىس ىستەۋگە مىڭداعان ەرىكتى قاجەت ەكەن. تاعى ءبىر تاڭقالارلىق جاعداي، وسى ۋاقىتقا دەيىن قانشا ۇيلەرگە زارداپ كەلگەنى بەيمالىم. جينالىسقا قاتىسۋشىلار قانشالىقتى تەحنيكا جۇمىلدىرۋ قاجەت ەكەنىن ءبىلۋ ماقساتىندا ستاتيسكيكالىق دەرەك بەرۋدى وتىنگەن بولاتىن. الايدا دەپۋتاتتاردىڭ سۇراعىنا "نۇر وتان" پارتياسىنىڭ ناۋرىزباي اۋداندىق فيليالىنىڭ ءتوراعاسى سامات تۇياقبايەۆ جاۋاپ بەرە المادى. شۇعىل تۇردە قانشا ءۇيدىڭ زارداپ شەككەندىگى تۋرالى اقپاراتتى بىلەتىن بولامىز دەپ ۋادە بەرىپتى.