بۇگىن ونكولوگتار مەن ماممولوگتاردىڭ ءىى رەسپۋبليكالىق سەمينار-كەڭەسىنە ەلىمىزدىڭ تۇكپىر-تۇكپىرىنەن 330 دەلەگات جينالدى دەپ حابارلايدى «قامشى» پورتالى قازاق ونكولوگيا جانە راديولوگيا عزي باسپا ءسوز ورتالىعىنا سىلتەمە جاساي وتىرىپ. جيىنعا 14 وبلىس پەن الماتى، استانا قالالارىنىڭ دەنساۋلىق ساقتاۋ باسقارمالارىنىڭ وكىلدەرى، ونكولوگيالىق ديسپانسەر دارىگەرلەرى قاتىستى. فورۋمدا ماماندار ونكوقىزمەتتى جەتىلدىرۋ جولدارىن قاراستىرعان بولاتىن. ال بۇل جولعى اۋداندىق ونكولوگتار مەن ماممولوگتاردىڭ II رەسپۋبليكالىق سەمينارىندا وتاندىق دەنساۋلىق سالاسىنىڭ ماڭىزدى ماسەلەلەرى تالقىلاندى.
سەميناردا ونكولوگيالىق قىزمەت پەن امبۋلاتورلىق-ەمحانالىق ۇيىمدار قىزمەتىن بىرىكتىرۋ، ونكولوگيالىق، ماممولوگيالىق، ەرلەر جانە ايەلدەردى قاراۋ بولىمدەرىنىڭ جۇمىسىن جانداندىرۋ، 65 جانە ودان جوعارى جاستاعىلار اراسىندا قاتەرلى ىسىكتى ەرتە ساتىسىندا انىقتاۋ ءۇشىن سكرينينگتىك جانە وبىردىڭ الدىن الۋ باعدارلامالارىن جۇزەگە اسىرۋ، ونكولوگيالىق قىزمەت سالاسىنا مونيتورينگ جانە باعالاۋ جۇيەسىن ەنگىزۋ، قاتەرلى دەرتكە شالدىققان ناۋقاستارعا مەديسينالىق-الەۋمەتتىك قىزمەت كورسەتۋ سىندى نەگىزگى 5 ماسەلە كۇن تارتىبىنە قويىلدى.