Yvision.kz اقپارات پلاتفورماسىنىڭ انتون ەسىمدى اۆتورى بيلىك ءترانزيتىنىڭ اياسىندا ءبىرقاتار ستراتەگيالىق ماڭىزى بار كادرلىق اۋىس-تۇيىستەردىڭ بولاتىن جازدى.
اۆتوردىڭ ءوز دەرەككوزدەرىنە سۇيەنىپ حابارلاۋىنشا، ۇكىمەت باسشىسى اسقار مامين ورنىن بوساتادى. ونىڭ جۋىردا عانا ەلباسى قابىلداۋىندا بولۋى سونى ايعاقتايدى.
ءماميننىڭ ورنىنا بۇعان دەيىن مينيسترلەر كابينەتىن ەكى مارتە باسقارعان، نازاربايەۆتىڭ كومەكشىسى بولعانىن، بولا دا بەرەتىنىن ايتقان كارىم ءماسىموۆ كەلەدى دەپ كۇتىلۋدە. ال ءماسىموۆتى الماستىرۋعا، ياعني ۇلتتىق قاۋىپسىزدىك كوميتەتىنىڭ ءتوراعاسى لاۋازىمىنا قازاقستانداعى ەڭ جاس گەنەرال-لەيتەنانت، نازاربايەۆتىڭ نەمەرە ءىنىسى سامات ءابىش تاعايىندالماق.
Puls-zko.kz سايتىنىڭ اۆتورى دانا دۇيسەكەنوۆانىڭ جازۋىنشا، سامات ءابىشتىڭ ساياسي ءمانسابى مۇنىمەن توقتاماي، "كگب" اگەنتى بولعان پۋتين سياقتى پرەزيدەنت اتانىپ كەتۋى دە عاجاپ ەمەس. بۇنداي سەناريي "كەلەسى پرەزيدەنت كىم بولادى؟" دەگەن ساۋال توڭىرەگىندە داريعا نازاربايەۆا سەنارييىمەن قاتار ايتىلىپ ءجۇر.
سونداي-اق دانا دۇيسەكەنوۆا پرەزيدەنت اكىمشىلىگى ءتوراعاسىنىڭ بۇرىنعى ورىنباسارى دارحان كالەتايەۆتىڭ ازىرگە ەش قىزمەتكە بارماۋىن وعان جاسالىنعان اقپاراتتىق شابۋىلمەن بايلانىستىرادى. اۆتور ماقالاسىندا يدەولوگ دارحان كالەتايەۆتىڭ "مەملەكەتتىك" بلوگەرلەردىڭ تۇتاس بۋىنىن جاساقتاعانىن، ب ا ق دەڭگەيىن كوتەرگەنىن، بىرنەشە ءساتتى مەديا-جوبالاردى ىسكە قوسقانىن، كالەتايەۆتىڭ ەندى ءبىر وبلىسقا باسشى نەمەسە زەينەتكە كەتكەن تاسماعامبەتوۆتىڭ ورنىنا بارۋى مۇمكىن ەكەنىن اتاپ وتكەن.
پىكىر قالدىرۋ