پرەزيدەنت قاسىم-جومارت توقايەۆ قازاقستانعا جاڭا باسقارۋ ۇلگىسى قاجەت ەكەنىن ايتتى دەپ جازادى Qamshy.kz اقپارات اگەنتتىگى.
"قازاقستانعا قوعامنىڭ قاجەتتىلىكتەرىنە ساي، ءتيىمدى جانە ادىلەتتى جاڭا باسقارۋ ۇلگىسى قاجەت. ونىڭ ۇستىنە، ول ەڭ زاماناۋي تەحنولوگيالاردى پايدالانۋعا نەگىزدەلۋى كەرەك"، - دەدى مەملەكەت باسشىسى پرەزيدەنتتىك جاستار كادرلىق رەزەرۆىنىڭ مۇشەلەرىمەن كەزدەسۋدە.
"ءار ادامنىڭ پىكىرى ەسكەرىلۋى كەرەك. ول ءۇشىن ءتيىستى ساياسي تەتىكتەردى ازىرلەۋ قاجەت. بەلگىلى ءبىر ايماق تۇرعىندارىنىڭ مەملەكەتتىك شىعىستارعا قاتىستى پىكىرلەرىن ەسكەرۋ ءۇشىن كوپشىلىكتىڭ قاتىسۋىمەن بيۋدجەتتىڭ جوباسى جۇزەگە اسىرىلادى. اشىق ۇكىمەتتىڭ پورتالى ازاماتتارعا ماڭىزدى شەشىمدەردى تالقىلاۋعا مۇمكىندىك بەرۋى كەرەك"، - دەدى پرەزيدەنت.
پىكىر قالدىرۋ