قازاقستان پرەزيدەنتى قاسىم-جومارت توقايەۆ 15، 16 قاڭتاردا ءبىرقاتار كادرلاردى وزگەرتتى. توقايەۆتىڭ كادرلاردى قىزمەتىنەن بوساتۋ تۋرالى جارلىعى مەن تاعايىنداۋ تۋرالى وكىمىن اقوردا سايتى حابارلادى.
الدىمەن 15 قاڭتاردا توقايەۆتىڭ وكىمىمەن راشيد جاقىپوۆ ىشكى ىستەر ءمينيسترىنىڭ ورىنباسارى قىزمەتىنەن بوساتىلدى. اقوردانىڭ جازۋىنشا، جاقىپوۆتىڭ قىزمەتىنەن بوساتىلۋىنا سەبەپ – ونىڭ زەينەت جاسىنا تولۋى. جاقىپوۆتىڭ ورنىنا ىشكى ىستەر ءمينيسترىنىڭ ورىنباسارى قىزمەتىنە كىمنىڭ باراتىنى ءالى حابارلانعان جوق.
16 قاڭتاردا پرەزيدەنت مەملەكەتتىك كۇزەت قىزمەتىنىڭ باستىعى ءانۋار سادىقۇلوۆ پەن ونىڭ ورىنباسارى ءازىمحان ءجۇسىپوۆتى قىزمەتىنەن بوساتتى. توقايەۆ سادىقۇلوۆتى ۇلتتىق قاۋىپسىزدىك كوميتەتى ءتوراعاسىنىڭ ورىنباسارى – "ا" ارناۋلى ماقساتتاعى قىزمەتىنىڭ ديرەكتورى ەتىپ تاعايىندادى. ال ونىڭ ورنىنا مەملەكەتتىك كۇزەت قىزمەتىنىڭ باستىعى ەتىپ سەگىز جىل ىشكى ىستەر ءمينيسترى بولىپ، 2019 جىلدىڭ ناۋرىزىنان باستاپ پرەزيدەنتىنىڭ كومەكشىسى – قاۋىپسىزدىك كەڭەسىنىڭ حاتشىسى قىزمەتىن قوسا اتقارىپ كەلگەن قالمۇحامەت قاسىموۆتى قويدى. قاسىموۆ اتقارعان قوس قىزمەتكە كىمنىڭ تاعايىندالعانى ءالى جاريالانعان جوق.
پىكىر قالدىرۋ