الماتى قالاسى الاتاۋ اۋدانىنىڭ بۇرىنعى اكىمى شاحمەردەن رىسپايەۆ ۇستالدى، - دەپ حابارلايدى Qamshy.kz اقپارات اگەنتتىگى.

"سىبايلاس جەمقورلىققا قارسى قىزمەت الماتى پروكۋراتۋراسىمەن بىرلەسىپ، الاتاۋ اۋدانىنىڭ اكىمى، ونىڭ ورىنباسارى، سونداي-اق وسى اۋدان اكىمى اپپاراتىنىڭ مادەنيەت جانە تىلدەردى دامىتۋ ءبولىمىنىڭ باسشىسىن جەمقورلىق ءىسى بويىنشا قىلمىس جاسادى دەگەن كۇدىكپەن ۇستادى. ولار 2019 جىلى "وڭىرلەردى 2020 جىلعا دەيىن دامىتۋ" مەملەكەتتىك باعدارلاماسى بويىنشا بولىنگەن بيۋدجەت قاراجاتىن ءىرى كولەمدە جىمقىردى دەگەن كۇدىككە ءىلىندى. سونداي-اق، اۋدان اكىمىنىڭ ورىنباسارى قۇجاتقا جالعان مالىمەتتەر ەنگىزگەنى ءۇشىن مەردىگەرلىك ۇيىم وكىلىنەن 500 مىڭ تەڭگە پارانى بانكتىك شوتقا اۋدارۋ ارقىلى الۋ دەرەكتەرى بويىنشا تەرگەۋ ءجۇرىپ جاتىر. "اۋدان اكىمى مەن ونىڭ ورىنباسارى الماتى ءپد-نىڭ ۋاقىتشا ۇستاۋ يزولياتورىنا قامالدى. بۇلتارتپاۋ شاراسىن تاڭداۋ ماسەلەسى قارالىپ جاتىر. اكىمدىكتىڭ مادەنيەت ءبولىمىنىڭ باسشىسى ۇستالعان جوق، سەبەبى كۇدىكتى كىناسىن مويىنداپ، قورعاۋشىسىمەن بىرگە شاقىرتۋعا كەلۋ تۋرالى مىندەتتەمە بەردى"، - دەلىنگەن حابارلامادا.

كۇدىكتىلەردىڭ كىنالىلىك دارەجەسى تۋرالى سوڭعى شەشىمدى سوت شىعارادى.