9 اقپاندا ساراپشىلار مەن ساياساتتانۋشلىاردىڭ باستى نازارى ءازىربايجاندا بولادى. ويتكەنى ءدال وسى كۇنى  ەلدە پارلامەنتتىك (ميللي مەجليس) سايلاۋى وتەدى.

بۇل سايلاۋدىڭ وزگە سايلاۋلاردان ەرەكشەلىگى مەن ماڭىزىن ايشىقتاۋ ءۇشىن، پرەزيدەنت يلحام الييەۆتىڭ باستاعان رەفورمالارىنىڭ بىلتىرعى قورتىندىلارى مەن كەي باتىل قادامدارىنا قىسقاشا شولۋ جاساپ وقىرمان نازارىنا ۇسىنۋدى ءجون كوردىك.

2019 جىلدىڭ جەلتوقسان ايىندا ءازىربايجان پرەزيدەنتى يلحام الييەۆ كەي سالالارداعى (سىبايلاس جەمقورلىقپەن كۇرەس، ەكونوميكا ت.ب.) رەفورمالاردىڭ ءتيىستى دەڭگەيدە ورىندالماي جاتقانىن العا تارتىپ «ميللي مەجليستى» تاراتىپ جىبەردى.

پرەزيدەنت جاسى 65-تەن اسقان كەي شەنەۋنىكتەردى قىزمەتتەن بوساتىپ، ولاردىڭ ورىنىنا دامىعان ەلدەردە بىلىكتىلىگىن ارتتىرعان كاسىبي مامانداردى تاعايىندادى.

بۇدان بولەك، بىرنەشە سالاداعى (سىرتقى ساۋدا، اۋىل شارۋاشىلىعى، الەۋمەتتىك ت.ب.) رەفورمالار وڭ ناتيجە بەرىپ، حالىقارالىق رەيتينگتىك كورسەتكىشتەردە (DB) ءازىربايجاندى بىرنەشە ساتىعا العا شىعاردى.

بۇعان قوسا، پرەزيدەنت الييەۆتىڭ جارلىعىمەن مەملەكەتتىك قىزمەتكەرلەر مەن زەينەتكەرلەردىڭ جالاقىسىنىڭ كوتەرىلۋى قوعامدا وڭ باعا بەرىلىپ، پرەزيدەنت بەدەلىن اسقاقتاتا ءتۇستى.

9 اقپاندا وتەتىن پارلامەنتتىك سايلاۋ وسى ءبىرتۇتاس ءارى كەشەندى رەفورمالاردىڭ ماڭىزدى ءبىر بولىگىن قۇرايدى. بيىلعى سايلاۋدىڭ باستى ەرەشەلىگى مەن ماڭىزى وسىندا.

ياعني، سايلاۋ ناتيجەسىندە، ءازىربايجاندا ۆيزيونەرلىك تۇرعىدان جاڭارعان جاڭا پارلامەنت مودەرن قۇندىلىقتار مەن تالاپتارعا جاۋاپ بەرە الاتىن، باستىسى - ازاماتتارعا ەتەنە جاقىن ءارى سىبايلاس جەموقارلىققا جول بەرمەيتىن پارلامەنتشىلەر ءپروفيلى قالىپتاسپاق.

ارينە بۇل سايلاۋدىڭ ايماقتىق جانە پوستسوۆەت ەلدەرى ءۇشىن تاجىريبە تۇرعىسىنان ۇلگى بولارى ءارى جاڭارعان پارلامەنتتىڭ ءازىربايجان رەسپۋبليكاسىنىڭ كۇشىنە تىڭ قۋات قوسارى انىق.

نۇرعالي ءجۇسىپباي