ەلدەگى جوعارى وقۋ ورىندارىندا ءبىلىم الاتىن 10 ستۋدەنتتىڭ جەتەۋى اقىلى نەگىزدە وقيدى. ياعني جالپى 604 مىڭ ستۋدەنتتىڭ 424 مىڭى العان ءبىلىمى ءۇشىن اقشا تولەيدى، دەپ جازادى 24.kz
ال مەملەكەتتىك گرانتپەن وقيتىندار سانى 180 مىڭنان ءسال اسادى.
2019-2020 وقۋ جىلىندا قازاقستاندا 125 جوعارى وقۋ ورنى تىركەلگەن. ونىڭ جارتىسىنان استامى – جەكە ۋنيۆەرسيتەتتەر.
بىلتىرعى قاڭتار-قىركۇيەك ارالىعىنداعى مالىمەتكە قاراعاندا جوعارى ءبىلىم بەرۋ سالاسىنداعى قىزمەت اقىسى 10 پروسەنتكە ءوستى. وسىلايشا قىزمەت ءۇشىن الىنعان قارجىنىڭ جالپى سوماسى 229 جارىم ميلليارد تەڭگەنى قۇرادى. ونىڭ 37 پروسەنتى الماتى قالاسىنداعى ۋنيۆەرسيتەتتەردىڭ ۇلەسىندە. ۇشتىككە نۇر-سۇلتان مەن قاراعاندى وبلىسىنىڭ جوعارى وقۋ ورىندارى دا كىرەدى.
پىكىر قالدىرۋ