الاتاۋ اۋدانىنىڭ بۇرىنعى اكىمى شاحمەردەن رىسپايەۆ جانە ونىڭ بۇرىنعى ورىنباسارى سايات اعىبايەۆ سوت سانكسياسىمەن ەكى ايعا قامالدى. بۇل تۋرالى الماتى قالالىق سوتىنىڭ باسپا ءسوز قىزمەتى حابارلادى.
"سوتقا دەيىنگى تەرگەۋ ورگانى سانكسيا بەرۋ ءۇشىن تەرگەۋ سوتىنا جۇگىندى. تەرگەۋ سوتىنىڭ قاۋلىسىمەن كۇدىكتى شاحمەردەن رىسپايەۆقا قاتىستى ەكى اي مەرزىمگە كۇزەتپەن ۇستاۋ تۇرىندەگى بۇلتارتپاۋ شاراسى سانكسيالاندى" دەدى الماتى قالالىق سوت باسپا ءسوز قىزمەتىنىڭ وكىلدەرى.
سوت باسپا ءسوز قىزمەتىنىڭ حابارلاۋىنشا، الاتاۋ اكىمىنىڭ ورىنباسارى سايات اعىمايەۆ تا ەكى اي مەرزىمگە قامالدى.
18 قاڭتاردا الماتى قالاسىنىڭ سىبايلاس جەمقورلىققا قارسى قىزمەتى "سىبايلاس جەمقورلىق قىلمىسىن جاسادى" دەگەن كۇدىكپەن الماتى قالاسى الاتاۋ اۋدانىنىڭ بۇرىنعى اكىمىن، ونىڭ ورىنباسارىن، اۋدان اكىمى اپپاراتى باسشىسىن، مادەنيەت جانە تىلدەردى دامىتۋ ءبولىمىنىڭ باسشىسىن ۇستاعان.
ولار 2019 جىلى "وڭىرلەردى 2020 جىلعا دەيىن دامىتۋ" مەملەكەتتىك باعدارلاماسى بويىنشا بولىنگەن بيۋدجەت قاراجاتىن ءىرى مولشەردە ۇرلادى دەگەن كۇدىككە ىلىنگەن.
پىكىر قالدىرۋ