«1 پوستىم  كەمى 1 ميلليون! وقىرمانىم كوبەيگەن سايىن، ستاۆكام دا وسەدى».   الەۋمەتتىك جەلىدە بەلسەندى وتاندىق جۇلدىزدار جارناما جاساپ-اق ميلليونەر اتانىپ ءجۇر. ءبىراق نەنى، كىمدى جارنامالاۋ كەرەك؟ وعان باسىن قاتىرمايدى، اقشاسىن تولەپ بەرسەڭ بولدى. كوبى تەكسەرمەيدى دە. ارىقتاتاتىن ءدارى، شايلارىنان باستاپ، كيىم-كەشەك، ءتىل كۋرستارى، لومبارد، بانك، ءتىس ەمحانالارىنا دەيىن.  وكىنىشتىسى، ونەر ادامدارىنا يمانداي سەنگەن حالىقتىڭ اراسىندا وپىق جەپ، الدانىپ قالعاندارى دا جەتەرلىك. بۇل تۋرالى ەۋرازيا ءبىرىنشى ارناسى حابارلايدى.

«تالتاڭداساڭ تالتاڭدا، وقىرمانىڭ كوپ بولسا ينستاڭدا». بىرەۋدىڭ اقشاسىن ساناۋدان اۋلاقپىز،ءبىراق ايتپاساڭ تاعى بولمايدى. ميلليونداعان اۋديتورياسى بار جۇلدىزدارعا حالىق يمانداي سەنەدى. ونى كاسىپكەرلەر دە جاقسى بىلەدى. سول ءۇشىن  قانشا سۇراسا دا تولەۋگە دايىن. ال ونەر ادامدارى ءۇشىن دە كەرەگى سول عوي. اقشاسىڭ تولەسەڭ بولدى، نە نارسەنىڭ بولسىن جارناماسىن جاساپ بەرۋگە كەتارى ەمەس. ونى وزدەرى دە جاسىرماي، تالاي جەردە ايتىپ تا، جازىپ تا ءجۇر. كوبى ءتىپتى تەكسەرمەيدى دە. جارنامانىڭ ءتۇر-تۇرى اسىرەسە 4 ملن وقىرمانى بار ءانشى ەركە ەسماحان مەن پروديۋسسەر بايان ماقسات قىزىنىڭ پاراقشالارىندا ەكەن.

الايدا بۇل جارناما دەگەندەردىڭ تەك بەر جاعى عوي. ارىقتاتاتىن، ەمدەپ-جازاتىن دارىلەردى دە ماقتاپ، ماڭىنا شاڭ جۋىتپايدى. الايدا ءوزى  ءىشىپ ءجۇرىپ، پايداسىن كورگەننەن ەمەس، اقشاسى تولەنگەننەن كەيىن.

«مام، ۆسە داۆاي ۋلىبايسيا، تى ۋ مەنيا سەگودنيا ۆ كاچەستۆە اكتريسى.  وچەن منوگيە منە پيشۋت چتو ەتو نە پراۆدا،  يا بى حوتەلا پودەليتسيا، پووتومۋ چتو ۆسە حوتيات بىت زدوروۆىمي، كراسيۆىمي، ۋ ۆسەح ەست روديتەلي».

«مەنىڭ بارلىق  بالالارىمنىڭ ءتىسىن مەن ءدال وسى ورتالىققا تاپسىردىم. سەبەبى بۇل جەردە شىنىمەن جوعارى دەڭگەيدەگى ماماندار ەكەن. سوندىقتان مەن ءوزىمنىڭ بالالارىما ءتىسىمدى ەمدەۋگە ءدال وسىنداي تاماشا ورتالىق تاپقانىما انا رەتىندە قۋانىپ وتىرمىن. جانە سول قۋانىشپەن سىزبەن بولىسە وتىرمىن».

ونى انشىلەر شىنىمەن تەكسەردى مە، جوق پا، ول جاعىن بىلمەدىك. ءبىراق ءبىر نارسە بەلگىلى. ءانشى قاراقات ءابىلدينا جارنامالاعان ءتىس ەمحاناسىنىڭ باسى بالەگە قالدى.

اناستاسيا زەلەنايا، قالا تۇرعىنى:

«مەنىڭ قىزىمدى ستوموتولوگيادىق كابينەتكە كىرگىزدى. ماعان سىرتتا كۇتە تۇرسىن دەدى. ال 15 مينۋتتان كەيىن كابينەتتەن دارىگەر اتىپ شىعىپ، جەدەل-جاردەمدى شاقىردى. مەن ەشتەڭە تۇسىنبەدىم. قىزىما نە بولدى دەپ سۇرادىم. الايدا ماعان ەشتەڭە ايتپادى. تەك  جارتى ساعاتتاي وتكەننەن كەيىن عانا قىزىڭ كوماعا ءتۇستى دەدى».

ءتىسىن ەمدەتەمىن دەپ قىزىن قاراقات شاڭ جۋىتپاي ماقتاعان ەليتالى ستوموتولوگيالاردىڭ بىرىنە  اپارعان ەلوردالىق اناستاسيانىڭ مىنە ءۇش اپتا بولدى ۇيقىسى قاشتى. دارىگەردىڭ سالعىرتىعىنان قىزى كوماعا تۇسكەن. ءالى كۇنگە دەيىن جاعدايى اۋىر.  ال بۇل وقيعادان كەيىن ەمحانادا ارنايى تەكسەرىس جۇرگىزگەن قۇزىرلى ورگاندار كوپتەگەن زاڭ بۇزۋشىلىقتاردى انىقتاعان ەدى.  ال ءانشىنىڭ ءوزى قانداي دا ءبىر پىكىر بىلدىرۋدەن باس تارتتى. قىزىعى انشىلەردىڭ يا ۆاينەرلەردىڭ نە جارنامالاپ جۇرگەندەرىن ەشكىم تەكسەرمەيدى، سۇزگىدەن وتكىزبەيدى. اركىم ءوزى قوجا، ءوزى بي ەكەن.

الايدا، وزگەنىكىن ەمەس، وزىنىكىن جارنامالاپ، ءونىمىن پاراقشاسى ارقىلى حالىققا ساتىپ جۇرگەندەرى دە جوق ەمەس.

«اۋىلعا دا «تورەش شاي كەلدى دەپ، ورداسىن تالاي-اۋ سايلاعان. سارى ساماۋرىن اق قۇمان ە-حەي».

«كەڭ داستارحانى جايناعان دەپ» باسقالاردىكىن ابدەن جارنامالاپ بىتكەن تورەعالي ەندى ءوزى ونىمىنە كوشتى. تەك قازاقستاندى عانا ەمەس، كورشى رەسەي مەن قىتايدى باعىندىرعان ديماش تا قالىسپايدى. ول شايىمەن قاتار ءيىس سۋىن دا شىعاردى.  وسىندايدا قايرات نۇرتاس شەتتە  قالسىن با؟

ءحيتى بولعان «يۋنيۆەرس» انىنە ارناپ،  ءدال سونداي اتپەن ءيىس سۋ شىعاردى. الايدا حالىققا ۇناي قويمادى. باعاسى دا، جالپى ءيىسى دە. ءبىراق، سوندا دا اسىعا الىپ جاتىر. نەگە؟ سۇراساڭ، تانىمال ءانشىنىڭ ءوزى شاعىرىپ، ماقتاپ وتىر عوي، قالاي المايسىڭ دەيدى.