الماتى اكىمىنىڭ وكىمىمەن، پرەزيدەنت اكىمشىلىگىنىڭ جانە قالالىق ءماسليحات دەپۋتاتتارىنىڭ كەلىسىمىمەن الاتاۋ جانە تۇركسىب اۋداندارىنىڭ اكىمدەرى بولىپ ازامات قالدىبەكوۆ جانە باقىتجان اقجاروۆ تاعايىندالدى، دەپ حابارلايدى almaty.gov.kz. 

اۋدانداردىڭ جاڭا اكىمدەرىن تانىستىرعان الماتى اكىمى باقىتجان ساعىنتايەۆ ولاردىڭ پرەزيدەنتتىك جاستار كادرلىق رەزەرۆىنىڭ وكىلدەرى ەكەنىن اتاپ كورسەتتى.

– مەملەكەت باسشىسىنىڭ دارىندى جاستار ءۇشىن اشىق جانە ءتيىمدى الەۋمەتتىك ليفت قۇرۋ جونىندەگى يدەياسى ىسكە اسۋدا. الماتىدان رەزەرۆتەر قاتارىنا 39 ادام ەندى. بۇگىنگى كانديداتتار – اۋداندار اكىمدەرى بولىپ قىزمەت اتقارۋعا بارىنشا دايىندىقتان وتكەندەر. ءبىز ولاردان اتالعان اۋدانداردا تۇراتىن الماتىلىقتاردىڭ ءومىر ءسۇرۋ ساپاسىن جاقسارتۋدا ناتيجەلى جۇمىستاردى كۇتەمىز، – دەپ اتاپ ءوتتى الماتى اكىمى باقىتجان ساعىنتايەۆ.

الاتاۋ اۋدانىنىڭ جاڭا اكىمى ازامات قالدىبەكوۆ بۇگىنگى كۇنگە دەيىن الماتى قالاسى جەر قاتىناستارى باسقارماسى باسشىسىنىڭ ورىنباسارى لاۋازىمىندا بولدى. تۇركسىب اۋدانىنا اكىم بولىپ تاعايىندالعان باقىتجان اقجاروۆ الماتىنىڭ تۇرعىن ءۇي ساياساتىنىڭ باسشىسى قىزمەتىن اتقاردى.

الاتاۋ جانە تۇركسىب اۋداندارىنىڭ بۇرىنعى اكىمدەرى ش. رىسپايەۆ پەن پ. كۋلاگين ءوز ەرىكتەرىمەن ءوتىنىش بەرۋلەرىنە سايكەس قىزمەتتەرىنەن بوساتىلدى.