قازاقستاننىڭ ەكس-پرەزيدەنتى نۇرسۇلتان نازاربايەۆتىڭ جيەن نەمەرەسى ايسۇلتان راحات ءوزىن ءولتىرىپ كەتۋى مۇمكىن ەكەنىن ايتتى. بۇل تۋرالى ول ءوزىنىڭ Facebook-تاعى پاراقشاسىندا جازدى.
"ەگەر مەن ولاردىڭ ماعان جاساعان بارلىق ىس-ارەكەتتەرىنەن كەيىن امان قالعان بولسام، بۇل اللا مەن ونىڭ ۇلى يسانىڭ جانە كيەلى كۇشتىڭ مەن قورعاعانى. ولار ءسىزدى دە قورعايدى. جاقىن ارادا مەنى ءولتىرىپ كەتەدى نەمەسە اكەمنىڭ كۇيىن كەشەمىن. مەنى وز-وزىنە قول جۇمساپ، اسىلىپ قالعان جىندى دەپ كورسەتىپ، سونى دالەلدەۋگە تىرىسادى. مەنىڭ كۇشىم اللامەن جانە ونىڭ ۇلى يسامەن، كيەلى كۇشپەن بىرگە"، - دەپ جازدى ايسۇلتان راحات.
ايسۇلتان راحات - قازاقستاننىڭ بۇرىنعى پرەزيدەنتى نۇرسۇلتان نازاربايەۆتىڭ ۇلكەن قىزى، ءقازىر قازاقستان پارلامەنتى سەناتىنىڭ ءتورايىمى بولىپ وتىرعان داريعا نازاربايەۆا مەن 2015 جىلى اۆستريا تۇرمەسىندە جۇمباق جاعدايدا (اباقتىنىڭ ءبىر كىسىلىك كامەراسىندا اسىلعان كۇيى تابىلعان) ولگەن راحات الييەۆتىڭ ەكىنشى ۇلى.
2019 جىلى قازاننىڭ 18ء-ى كۇنى لوندون سوتى ايسۇلتان راحاتقا ءبىر جىل شارتتى جازا كەستى. ۇلىبرينتانياداعى باق-تاردىڭ حابارلاۋىنشا، ايسۇلتان نازاربايەۆ بيىلعى ماۋسىم ايىندا بريتان پوليسياسىنا قارسىلىق كورسەتكەنى ءۇشىن جاۋاپقا تارتىلعان. نازاربايەۆتار وتباسى ايسۇلتاننىڭ ۇلىبريتانيادا ۇستالعانى جانە سوتتالعانى جايلى ەشقانداي كوممەنتاريي بەرگەن جوق.
پىكىر قالدىرۋ