قازاقستان باس پروكۋرورىنىڭ ورىنباسارى مارات احمەتجانوۆ پاۆلودار وبلىسىنىڭ بۇرىنعى اكىمى بولات باقاۋوۆقا قاتىستى قىلمىستىق ىسكە تۇسىنىك بەردى.

- پروكۋروردىڭ وكىلەتتىگى كونستيتۋسيامەن جانە باسقا دا زاڭمەن رەتتەلگەن. سوتتا پروكۋرور ءوزىنىڭ قورىتىندىسىن جاريالادى، سول قورىتىندىعا سايكەس تەرەگۋ سوتى ول كۇدىكتىنى (ب.باقاۋوۆتى) ەكى اي مەرزىمگە قاماۋعا الدى. تەرگەۋ شارالارى باقىلاۋدا تۇر، - دەدى  احمەتجانوۆ.

پاۆلودار وبلىسىنىڭ بۇرىنعى اكىمى بولات باقاۋوۆ 17 قاڭتاردا “جەمقورلىق كۇدىگىمەن” ەكى ايعا قاماۋعا الىندى. وعان قازاقستاننىڭ قىلمىستىق كودەكسىنىڭ 362 بابى 4-بولىگى 3-تارماعى بويىنشا قىلمىس جاسادى دەگەن ايىپ تاعىلىپ وتىر. بۇل باپ وزىنە جانە وزگە ازاماتتار مەن ۇيىم ءۇشىن پايدا تابۋ ماقساتىندا قىزمەتتىك وكىلەتىن اسىرا پايدالانۋ دەگەندى بىلدىرەدى. باقاۋوۆوۆقا بۇلتارتپاس شاراسىن قولدانۋ تۋرالى وتكەن سوتتا ونىڭ قىزمەتىن اسىرا پايدالانىپ، تۋىسقانىنىڭ كومپانياسىنىڭ زاڭ بۇزعانىن جاسىرۋ ءۇشىن سالىق ورگاندارىنا قىسىم جاساعانى ايتىلدى. باقاۋوۆ بۇل ايىپتى جوققا شىعارعان. 

بولات باقاۋوۆ پاۆلودار وبلىسىنىڭ اكىمى بولىپ 2016 جىلى ناۋرىزدا تاعايىندالعان. ونىڭ ۇستىنەن قىلمىستىق ءىس قوزعالعان سوڭ قازاقستان پرەزيدەنتى قاسىم-جومارت توقايەۆ باقاۋوۆتى قىزمەتىنەن بوستىپ، 21 قاڭتاردا پاۆلودار وبلىسىنا ءابىلقايىر ىسقاقوۆتى اكىم ەتىپ تاعايىنداعان بولاتىن.