كەشە ەكس-پرەزيدەنت نۇرسۇلتان نازاربايەۆتىڭ جيەن نەمەرەسى ايسۇلتان نازاربايەۆ داۋلى مالىمدەمەلەر جاسادى. ول ومىرىنە ءقاۋىپ ءتونىپ تۇرعانىن جانە نۇرسۇلتان نازاربايەۆتىڭ تۋعان اكەسى، ال داريعا نازاربايەۆا تۋعان اناسى ەكەنىن ايتقان بولاتىن. كەيىن الەۋمەتتىك جەلى قولدانۋشىلارىنىڭ اراسىندا داريعا نازاربايەۆا نۇرسۇلتان نازاربايەۆتىڭ تۋعان قىزى ما دەگەن سۇراق تۋىندادى. 2019 جىلى News.myseldon سايتىندا داريعا نازاربايەۆا نۇرسۇلتان نازاربايەۆتىڭ تۋعان قىزى ەمەس دەگەن اقپارات جاريالانعان. 

"ءبىر كەزدەرى باق-تا نازاربايەۆتىڭ قۇقىعى ءبىرىنشى ايەلدەن ەش كەم تۇسپەيتىن توقالى بار دەگەن اقپارات جاريالاندى. ستيۋاردەسسا گۇلنار راكيشيەۆا پرەزيدەنتتىك ۇشاقتىڭ ەكيپاجىنىڭ قۇرامىندا ۇزاق ۋاقىت جۇمىس ىستەدى دەگەن بولجام ايتىلدى. نازاربايەۆ ونى قاتتى ۇناتقانى ءۇشىن گۇلنارمەن قارىم-قاتىناسىن باستاعان. بۇرىنعى ستيۋاردەسسا اياقاستىنان قازاقستانداعى ەڭ ءىرى ەير استانا اۆياكومپانياسىنىڭ يەسى بولدى. قىزى دۇنيەگە كەلگەننەن كەيىن، ول استانا قالاسىنىڭ ەليتالىق اۋدانىنداعى ءزاۋلىم سارايدى سىيلىق رەتىندە الدى. راكيشيەۆادان تۋعان بالالارى تۋرالى اقپارات جوق، ونى جاسىرىن ۇستاۋعا تىرىسادى. ال نازاربايەۆتىڭ ءوزى رەسمي تۇردە توقالى مەن جاسىرعان بالا-شاعاسى بار ەكەنىن جوققا شىعاردى. توقال ماسەلەسىنەن كەيىن دە نازاربايەۆتىڭ دەڭگەيى ەش تومەندەمەدى. كەيىن داريعا نازاربايەۆانىڭ نۇرسۇلتان نازاربايەۆتىڭ تۋعان قىزى ەمەس ەكەنى بەلگىلى بولدى"، - دەپ جازىلعان سايتتا. 

سونداي-اق ايسۇلتان نازاربايەۆ تۋعان اكەسىنىڭ نازاربايەۆ، ال داريعانىڭ اناسى ەكەنىن مالىمدەدى. كەيىن ول داريعا نازاربايەۆانىڭ نۇرسۇلتان نازاربايەۆتىڭ تۋعان قىزى ەمەس ەكەنىن ايتتى. 

وتكەن جىلى قازاننىڭ 18ء-ى كۇنى لوندون سوتى ايسۇلتان راحاتقا ءبىر جىل شارتتى جازا كەستى. بريتانيالىق باق-تاردىڭ جازۋىنشا، ول 2019 جىلى ماۋسىم ايىندا بريتان پوليسياسىنا قارسىلىق كورسەتكەنى ءۇشىن جاۋاپقا تارتىلعان. نازاربايەۆتار وتباسى ايسۇلتان راحاتتىڭ ۇلىبريتانيادا ۇستالعانى جانە سوتتالعانى جايلى ەشقانداي مالىمدەمە جاساعان جوق.

1990 جىلى 26 تامىزدا ومىرگە كەلگەن ايسۇلتان نازاربايەۆ – قازاقستاندى 30 جىلعا جۋىق ۇزدىكسىز بيلەپ، 2019 جىلى ناۋرىزدا ءوز ەركىمەن پرەزيدەنتتىك قىزمەتتەن كەتكەن (ءبىراق ەلدەگى بيلىكتىڭ ءبىر تارماعىن ۇستاپ وتىرعان)  نۇرسۇلتان نازاربايەۆتىڭ ۇلكەن قىزى داريعا نازاربايەۆا مەن اۆستريا تۇرمەلەرىنىڭ بىرىندە كوز جۇمعان قازاقستاندىق شەنەۋنىك راحات الييەۆتىڭ ۇلى.

قازاقستاندىق اقپارات قۇرالدارىنىڭ جازۋىنشا، ايسۇلتان راحات بالا كەزدەن فۋتبولعا قىزىققان. 2006 جىلى قازاقستاننىڭ جاسوسپىرىمدەر قۇراماسىنىڭ ساپىندا ەۋروپا چەمپيوناتىنىڭ ىرىكتەۋ تۋرنيرىنە قاتىسقان. "چەلسي" جانە "پورتسمۋت" جاستار كوماندالارى مەن قازاقستاندىق "استانا" كومانداسىندا ويناعان.

ول ۇلىبريتانيا كورولدىگىنىڭ "ساندحەرست" اسكەري اكادەمياسىنىڭ ءتامامداعان. ايسۇلتان وقۋىن ءبىتىرىپ، قازاقستانعا ورالعان سوڭ ەلدىڭ قورعانىس مينيسترلىگىنىڭ بارلاۋ باسقارماسىندا قىزمەت ەتتى. 2017 جىلى 7 ايداي قازاقستان فۋتبول فەدەراسياسىنىڭ ۆيسە-پرەزيدەنتى قىزمەتىن اتقاردى. 

ايسۇلتان راحات 2013 جىلى "قازرومگاز" اق باسشىسى، الماتىلىق "قايرات" فۋتبول كلۋبىنىڭ قوجايىنى قايرات بورانبايەۆتىڭ قىزى اليما بورانبايەۆعا ۇيلەندى. 2016 جىلدىڭ جازىندا ولاردىڭ امەلي ەسىمدى قىز دۇنيەگە كەلدى.