لوندونعا بەت العان رۋمىنيالىق رايانەير ۇشاعى اۋەگە كوتەرىلگەن ساتتە جولاۋشىلار قويۋ تۇتىنگە تۇنشىعىپ، ۇشاق اپاتتى جاعدايدا قونۋعا ءماجبۇر بولدى.
رۋمىنيا استاناسى بۋحارەستتەن ۇشىپ شىققان اۋە كەمەسىندە 169 جولاۋشى جانە ءتورت ەكيپاج مۇشەسى بولعان.
Boeing 737-800 ۇشاعى توتەنشە جاعداي ورىن العانىن حابارلاپ، وتوپەني اۋەجايىنا قايتا كەلىپ قوندى. زارەسى ۇشقان جولاۋشىلار ۇشاقتان امان-ەسەن ءتۇسىرىلدى. ابىروي بولعاندا قۇرباندار مەن زارداپ شەگۋشىلەر جوق.
سەيسەنبى كۇنى تاڭەرتەڭ لوندوننىڭ ستانستەند اۋەجايىنان ساعات 6:40-تا ۇشىپ كەتۋى ءتيىس ۇشاق تەحنيكالىق اقاۋ سالدارىنان ۇشا المادى. جولاۋشىلار ءبىراز ۋاقىتتان كەيىن باسقا ۇشاقپەن جەرگىلىكتى ساعات 10:57-تە ۇشقان. الايدا ۇشاق اۋەگە كوتەرىلگەن ساتتە، كاپيتان مويدەي قايتا قونۋ قاجەتتىگىن حابارلاپ، توتەنشە جاعداي جاريالادى. ۇشاق 1500 مەتر بيىكتىككە كوتەرىلگەن كەزدە، سالوننىڭ ءىشى قويۋ تۇتىنگە تولىپ، جولاۋشىلار تۇگەل دۇرلىكتى.
ۇشاق اۋەجايعا قونعاننان كەيىن جولاۋشىلار الەۋمەتتىك جەلىگە باستارىنان وتكەن جاعداي تۋرالى بولىسە باستادى. سولاردىڭ ءبىرى كوسمين مالۋرەانۋ بىلاي دەپ جازدى:
"بۇل ماعان وتەۋ اۋىر سوققى بولدى، سالوننىڭ ءىشى تۇتىنگە تولىپ كەتتى. ءتىپتى الدىمىزداعى ەكىنشى قاتار بىزگە كورىنبەي قالدى. اپاتتى جاعدايدا اۆتوماتتى تۇردە تۇسەتىن وتتەگى ماسكاسى بولمادى"
MailOnline باسپا ءسوز حاتشىسىنىڭ حابارلاۋىنشا، بۋحارەست-لوندون رەيسى تەحنيكالىق اقاۋلارعا بايلانىستى كەشىكتىرىلگەن. جولاۋشىلاردى تەزىرەك دىتتەگەن جەرلەرىنە جەتكىزۋ ماقساتىندا، ولار قىزدىرىلماعان ۇشاققا وتىرعىزىلعان.
وقيعاعا قاتىستى تەرگەۋ جۇمىستارى جۇرگىزىلۋدە. ۇشاق ىشىنە ءتۇتىننىڭ تارالۋ سەبەبى ازىرگە بەلگىسىز.
پىكىر قالدىرۋ