مەملەكەت باسشىسى قاسىم-جومارت توقايەۆ قازاقستاننىڭ قارجى جۇيەسى قازاقستاندىقتار كوپتەپ نەسيە الاتىندىقتان دىمكاس ەكەنىن مالىمدەدى، دەپ حابارلايدى Qamshy.kz اقپارات اگەنتتىگى. 

"باستى تەندەنسيا - ەل ەكونوميكاسى دامۋىنداعى بانك سەكتورىنىڭ ءرولى كەرى اسەرىن تيگىزىپ جاتىر، ياعني، جىل سايىن تومەندەپ جاتىر. كورپوراتيۆتىك سەكتوردى نەسيەلەۋ 8،7 پايىزعا، شاعىن جانە ورتا بيزنەستى - 18 پايىزعا، ال اۋىل شارۋاشىلىعىن نەسيەلەۋ - 48 پايىزعا تومەندەگەن. بۇل قارقىندى، دالىرەك ايتقاندا، حالىقتى تۇتىنۋشىلىق نەسيەلەۋدىڭ 24 پايىزعا وسۋىنە بايلانىستى بولىپ وتىر. ودان بولەك، نەسيەنىڭ ۇشتەن ەكى بولىگى جەكە تۇلعالارعا سالىقسىز بەرىلگەن. بىلتىر قيىن جاعدايعا تاپ بولعان جارتى ميلليونعا جۋىق قازاقستاندىقتىڭ قارىزى جابىلدى. 1،2 ميلليونعا جۋىق ازاماتتىڭ تۇتىنۋشىلىق نەسيەلەرى بويىنشا ايىپپۇلدارى مەن ءوسىمپۇلداردى ەسەپتەن شىعارىلدى. كرەديتتى تولەي الاتىن ادامعا بەرۋ كەرەك. بىزدە جەكە تۇلعالارعا بەرىلەتىن نەسيە 1،4 تريلليون تەڭگەگە ءوسىپ، جالپى 6،7 تريلليون تەڭگە بولعان. ونىڭ ءوزى قايتارىلا ما، جوق پا بەلگىسىز"، - دەدى پرەزيدەنت ۇكىمەتتىڭ كەڭەيتىلگەن وتىرىسىندا.