مەملەكەت باسشىسى قاسىم-جومارت توقايەۆتىڭ تاپسىرمالارىن ورىنداۋ اياسىندا ءۇش زاڭ قابىلدانادى. ولار – جاڭا رەداكسياداعى "تەحنيكالىق رەتتەۋ تۋرالى" زاڭ، بيۋدجەت كودەكسىنە وزگەرىستەر ەنگىزۋ جانە دەنساۋلىق كودەكسى، دەپ حابارلايدى sputniknews.kz.

ۇلتتىق ەكونوميكا ءمينيسترى رۋسلان دالەنوۆتىڭ ايتۋىنشا، ۇكىمەتتىڭ كەڭەيتىلگەن وتىرىسىندا پرەزيدەنت ەكونوميكانى كوتەرۋ جانە حالىقتىڭ تابىسىن ارتتىرۋعا 80-نەن استام تاپسىرما بەردى. ولار: "تەحنيكالىق رەتتەۋ تۋرالى" زاڭ، بيۋدجەت كودەكسىنە وزگەرىستەر ەنگىزۋ جانە دەنساۋلىق كودەكسى.

سونىمەن قاتار، ءۇش باعدارلامالىق قۇجات بەكىتىلەدى. ولار: "اقشا-كرەديت ساياساتى" ستراتەگياسى، "ساۋدا ساياساتى" باعدارلاماسى جانە "سۋ رەسۋرستارىن باسقارۋ" باعدارلاماسى بار.

"مەملەكەت باسشىسىنىڭ ءاربىر تاپسىرماسىن مازمۇندى جانە جەدەل پىسىقتاۋ قاجەت. وسىعان بايلانىستى، اسقار ۇزاقباي ۇلى ءسىزدىڭ باسشىلىعىڭىزبەن ۇكىمەتتە جۇمىس توبىن قۇرۋ ۇسىنىلادى. جۇمىس توبى شەڭبەرىندە 10 شاعىن توپ بولادى. مەملەكەتتىك ورگانداردىڭ ءبىرىنشى باسشىلارى شاعىن توپتاردى باسقارادى جانە ولارعا دەربەس جاۋاپكەرشىلىك جۇكتەلەدى"، - دەپ مالىمدەدى دالەنوۆ.

اتالعان جۇمىسقا ساراپشىلار مەن كاسىپكەرلەر تارتىلادى. ءاربىر شاعىن توپتىڭ شەڭبەرىندە مەملەكەت باسشىسىنىڭ تاپسىرمالارىن ءىس جۇزىندە ورىنداۋعا باعىتتالعان ناقتى شارالار ازىرلەنەدى. اتاپ ايتقاندا، 1 شىلدەگە دەيىن  بيۋدجەت كودەكسىنە وزگەرىستەر ەنگىزىلەدى.