"كورىپ وتىرعاندارىڭىزداي، ءبىزدىڭ قىزمەتتىك توپ تىنىمسىز ەڭبەك ەتۋدە. سوندىقتان ءبىز قارلى بوران كەزىندە ءۇش اۋىسىمدىق رەجيمدە جۇمىس اتقارعان كوممۋنالدىق قىزمەتكەرلەرگە سىياقى بەرەمىز دەپ شەشتىك، – دەدى كولگىنوۆ.

اكىمنىڭ سوزىنشە، ەلوردادا قار تازالاۋ جۇمىستارىنا 1،7 مىڭعا جۋىق كوممۋنالدىق قىزمەت وكىلى مەن 1،5 مىڭعا جۋىق قار تازالاعىش تەحنيكا جۇمىلدىرىلعان.

ەلوردا اكىمدىگىنىڭ حابارلاۋىنشا، قاڭتاردىڭ  28-ىنەن 29-نا قاراعان ءتۇنى قالادان 29 مىڭ تەكشە مەترگە جۋىق قار شىعارىلعان. بۇل ءۇشىن كوممۋنالدىق قىزمەتكەرلەرگە 2،4 مىڭعا جۋىق رەيس جاساۋعا تۋرا كەلدى.

"ءاربىر ءىستىڭ ارتىندا كوممۋنالدىق قىزمەتكەرلەردىڭ وراسان زور ەڭبەگى جاتىر. ءبىراق ءالى دە قار ازايار ەمەس. تازالاعاننان كەيىن 15 مينۋت ىشىندە ول جەردى قايتا تازالاۋعا تۋرا كەلەدى. دەگەنمەن ءبىز جۇمىس جاساۋدى توقتاتپايمىز، – دەدى ەلوردا اكىمى.