بۇل سۇراققا ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ جاۋاپ بەردى sputniknews
ءمينيستردىڭ ايتۋىنشا، كوپبالالى وتباسىلارعا جاڭا جاردەماقى ەنگىزىلگەن.
– ءقازىر ونى 370 مىڭ وتباسى الىپ جاتىر. ەندى ءتورت بالادان از، ءبىر، ەكى، ءۇش بالاسى بارلار دا بىزگە دە سونداي جاردەماقى بەرىلسە دەگەن وتىنىشتەرىن ءبىلدىردى. ءقازىر مينيسترلىكتىڭ ىشىندە ءارتۇرلى تاسىلدەرىن قاراپ، قارجىنى ەسەپتەپ جاتىر. ءبىراق، بۇل ماسەلە، قارجى مۇمكىندىگىنە تىكەلەي بايلانىستى.
قازاقستاندا 1-3 بالاسى بار وتباسى سانى 2 ميلليون 904. جاڭا جاردەماقىنى الاتىن تۇرمىسى تومەن 370 مىڭ وتباسىنىڭ 125 مىڭى. ال 1-3 بالاسى بار تۇرمىسى تومەن وتباسىلاردىڭ سانى 190 مىڭ. ياعني، 15 ەسە كوپ. ول 15 ەسە ارتىق قاراجاتتى تالاپ ەتەدى. سونداي-اق جاعدايى جاقسى وتباسىلارعا جاردەماقى تولەنە مە، جوق پا، قاراستىرۋدامىز. ازىرگە ناقتى شەشىمگە كەلگەن جوقپىز، – دەپ ايتتى مينيستر.
بيىلعى اتاۋلى الەۋمەتتىك كومەكتىڭ باستى ەرەكشەلىگى – جالاقى تابىسىنا قاراماستان تولەنەدى. بالا سانىنا قاراي اي سايىن بەرىلەتىن جاردەماقى مولشەرى:
- 4 بالاعا – 42 496 تەڭگە؛
- 5 بالاعا – 53 127 تەڭگە؛
- 6 بالاعا – 63 757 تەڭگە؛
- 7 جانە ودان كوپ بالاعا – 74 388 تەڭگە.
پىكىر قالدىرۋ