حالىقارالىق ازاتتىق راديوسىنىڭ قازاقستانداعى قىزمەتىندە جۇمىس ىستەگەن جۋرناليست جاسۇلان كوجەكوۆ قايتىس بولدى. بۇل اقپاراتتى ءجۋرناليستىڭ تۋىستارى مەن جاقىن دوستارىنىڭ مالىمەتىنە سىلتەمە جاساعان ازاتتىق راديوسى حابارلادى. ازاتتىقتىڭ جازۋىنشا، جاسۇلان كوجەكوۆ 30 قاڭتاردا تاڭەرتەڭ تۇركيانىڭ انتاليا قالاسىندا كوز جۇمعان. ونىڭ نەدەن قايتىس بولعانى ازىرگە بەلگىسىز. ول بىرنەشە جىل بۇرىن قازاقستاننان تۇركياعا كوشىپ كەتكەن.
جاسۇلان كوجەكوۆ 1969 جىلى تۋعان. اتىراۋدىڭ مەملەكەتتىك ۋنيۆەرسيتەتىن ءتامامداعان. جاقىن ارىپتەستەرىنىڭ ايتۋىنشا، 90-جىلدارى Atyrau Today تاۋەلسىز باسىلىمىن اشىپ، وتكىر قوعامدىق-ساياسي ماسەلەلەردى قوزعاعان. ءبىراق كەيىننەن بۇل باسىلىم جابىلعان.
ول 2009-2011 جىلدارى ازاتتىق راديوسىنىڭ اتىراۋداعى ءتىلشىسى بولدى.
پىكىر قالدىرۋ