الماس ايداروۆ 1983 جىلى 25 قازاندا جامبىل وبلىسىندا دۇنيەگە كەلگەن. 2004 جىلى ءال-فارابي اتىنداعى قازاق ۇلتتىق ۋنيۆەرسيتەتىن "حالىقارالىق ەكونوميكالىق قاتىناستار" ماماندىعى بويىنشا ءتامامداعان. بىلىكتىلىگى - ەكونوميست. 2009 جىلى پرەزيدەنت جانىنداعى مەملەكەتتىك باسقارۋ اكادەمياسىنىڭ ماگيسترى بولدى.

2004-2006 جىلدارى اقتاۋ حالىقارالىق تەڭىز ساۋدا پورتىنىڭ ىشكى اۋديت جونىندەگى مامانى، ينۆەستيسيالار جونىندەگى ينجەنەرى، كولىك جانە كوممۋنيكاسيا مينيسترلىگىنىڭ كولىك ساياساتى جانە حالىقارالىق ىنتىماقتاستىق دەپارتامەنتىنىڭ جەتەكشى مامانى بولدى.

2006-2012 جىلدارى ق ر پرەزيدەنتى ءىس باسقارماسىنىڭ رەسمي ءىس-شارالار جانە سىرتقى بايلانىستار ءبولىمىنىڭ ساراپشىسى، پرەزيدەنت پروتوكولىنىڭ ساراپشىسى (پرەزيدەنت اكىمشىلىگى) بولدى.

2012-2014 جىلدارى - "بحك ينجينيرينگ" كومپانياسىنىڭ باسقارۋشى ديرەكتورى ("سامۇرىق-قازىنا "ءۇاق" اق كومپانيالار توبى). ال 2014-2017 جىلدارى - Kaznex Invest ەكسپورت جانە ينۆەستيسيالار ۇلتتىق اگەنتتىگىنىڭ باسقارما ءتوراعاسىنىڭ ورىنباسارى، Kazakh Invest ۇلتتىق كومپانياسىنىڭ باسقارۋشى ديرەكتورى - باسقارما مۇشەسى بولعان.

2017 جىلعى 28 ماۋسىمدا قاراعاندى وبلىسى اكىمىنىڭ ونەركاسىپ، شوب دامىتۋ، يندۋستريالاندىرۋ جانە ينۆەستيسيالار ماسەلەلەرى جونىندەگى ورىنباسارى بولىپ تاعايىندالدى.

2019 جىلى مامىردا ول پىشاق جاراقاتىن العان.