قاراعاندى مەن تارازدا لاڭكەستىككە قاتىسى بار دەگەن كۇدىكپەن بەس ادام ۇستالدى، - دەپ جازادى Qamshy.kz اقپارات اگەنتتىگى ۇلتتىق قاۋىپسىزدىك كوميتەت باسپا ءسوز قىزمەتىنىڭ دەرەگىن نەگىزگە الىپ. 

ۇقك دەرەگىنە سۇيەنسەك، ۇستالعاندار دەسترۋكتيۆتى ءدىني اعىمنىڭ ەرۋشىلەرى بولىپ تابىلادى. ولاردىڭ بارلىعى اۋىر جانە اسا اۋىر قىلمىس جاساعانى ءۇشىن بۇرىن سوتتالعان. سوت سانكسياسىمەن ولار ەكى ايعا قاماۋعا الىندى.

"تەرروريستiك توپ قۇرۋ، وعان باسشىلىق ەتۋ جانە ونىڭ ارەكەتىنە قاتىسۋ" (ق ر قىلمىستىق كودەكسىنىڭ 257-بابى)، سونداي-اق "تەرروريزمدi ناسيحاتتاۋ نەمەسە تەرروريزم اكتiسiن جاساۋعا جاريا تۇردە شاقىرۋ" (ق ر قك 256-بابى) دەرەكتەرى بويىنشا قىلمىستىق ءىس قوزعالدى"، - دەلىنگەن ۇقك حابارلاماسىندا.

تەرگەۋ بولجامى بويىنشا، توپ قازاقستان اۋماعىندا، سونىڭ ىشىندە ادامدار كوپ جينالاتىن جەرلەردە تەرروريستىك اكتىلەر جاساۋ ماقساتىندا قۇرىلعان. تەرگەۋ جالعاسادى.