بۇل تۋرالى ءانشى ءوزىنىڭ Instagram-داعى پاراقشاسىندا جازدى دەپ حابارلايدى Qamshy.kz اقپارات اگەنتتىگى.
وسى رەتتە، ول وقىرماندارىنا حالىقارالىق ارەنادا وزىنە مەيلى قانداي دا ءبىر ۇسىنىس ايتىلسا دا تەك قانا قازاقستان اتىنان شىعاتىنىن جەتكىزدى.
«اسا قۇرمەتپەن جانكۇيەرلەرىمە ايتارىم، حالىقارالىق ارەنادا مەن تەك قانا ءبىر ەلدىڭ اتىنان شىعا الامىن، ول مەنىڭ وتانىم - قازاقستان! قولداۋلارىڭىز بەن ىستىق ىقىلاستارىڭىزعا راقمەت. مەنىڭ «ارناۋ» اتتى جەكە كونسەرتتىك تۋرنەمدە كەزدەسكەنشە!»، - دەيدى ديماش قۇدايبەرگەن.
ءانشىنىڭ الەۋمەتتىك جەلى ارقىلى بۇلاي ارنايى پىكىر بىلدىرۋىنە رەسەيلىك سايتتا جاريالانعان كەزەكتى ءبىر ماقالا سەبەپ بولعانداي. ايتالىق، وندا: "قازاقستان ءانشىسى ديماش قۇدايبەرگەن رەسەي اتىنان "ەۆروۆيدەنيە-2020" بايقاۋىنا قاتىسقالى جاتىر" دەگەن سىڭايدا داقپىرت تاراعان بولاتىن.
الايدا، ءانشى بۇل اقپاراتتىن ءبارىن تەرىسكە شىعارىپ، ءوزىنىڭ كەلەسى كونسەرتتەرىنە قىزۋ دايىندىقتا ەكەنىن جەتكىزگەن.
"كونسەرت" دەمەكشى، وسىعان دەيىن ديماشتىڭ الداعى ءۇش ايدا ەۋروپانىڭ 11 قالاسىندا جەكە كونسەرت بەرەتىنى ايتىلعان.
پىكىر قالدىرۋ