بەلگىلى بولعانداي اۋىل تۇرعىنىنىڭ اكىم ەسەبىندە سويلەگەن ءسوزىنىڭ ۆيدەوسىن بەركىن سادىقوۆ ەسىمدى Facebook قولدانۋشىسى جاريالاعان.
اتىراۋلىق بەلسەندىنىڭ اتى – ساعاتباي قاپەنوۆ. ول ايماقتىڭ ەكولوگيا ماسەلەسىن كوتەرە وتىرىپ، اراسىندا اكىمنىڭ قازاقشا دۇرىس تۇسىنبەيتىنىن سىناعان.
«ءبىز قامىستى ورتەۋىمىز كەرەك. ودان كەيىن كوك قۇراق شىعادى. بالاپان، جان-جانۋار امان قالادى. مەن ساعان ايتتىم، ءبىراق تۇسىنبەدىڭ. سەنىڭ ماڭگۇرت ەكەنىڭدى وسىدان ءبىلدىم... سەبەبى مىناداي جەردە جىلقى ۇستاۋعا بولمايدى. ەكولوگيا ءبۇلىنىپ جاتىر. ماۋسىمدىق ءشوپتى جەپ قويادى. ءبىر كەمپىر ەكى بۇزاۋلى سيىرىن اسىراي الماي وتىر. كانالعا سۋ ايداعاننىڭ ءمانى جوق. جىلقىنى تاۋ جاققا ايداۋ كەرەك. ەكولوگيانى «كاتاستروفاعا» ۇشىراتامىز. ەرتەڭ اۋرۋ وسى قامىستان شىعادى. وسىنى ايتسام، تۇسىنبەيسىڭدەر. نوعايەۆ كەتتى، قۇلاقتان تەۋىپ. سەن كەلگەندە ايتتىم: الاشتىڭ ازاماتىنىڭ بوتەندىگى جوق، قوش كەلدىڭ ەلگە. دۇرىس جۇمىس جاسا. ءبىراق سەن قازاقشا بىلمەيسىڭ، ماڭگۇرتسىڭ»، - دەگەن ول.
ال جەلى قولدانۋشىلارىنىڭ ءبىر توبى بەلسەندىنىڭ ەكولوگيا تۋراسىنداعى ايتقان ويىن قۋاتتاپ، پىكىر يەسىنىڭ اكىمنەن جاسى ۇلكەن ەكەنىن العا تارتسا، كەلەسى ءبىر توبى "سەن ماڭگۇرتسىڭ" دەگەن ءسوزدىڭ ءسال اۋىر ەكەنىن، اۋىل تۇرعىنىنىڭ ەتيكالىق نورمادان اسىپ كەتكەندىگىن ايتىسقان.
ازىرگە اۋدان اكىمى مەن اۋىل تۇرعىنى اراسىنداعى كەلەڭسىز جايتقا بايلانىستى قانداي دا ءبىر رەسمي مالىمدەمە جاسالعان جوق.
پىكىر قالدىرۋ