بۇل تۋرالى Qamshy.kz اقپارات اگەنتتىگى قازاقپارات سايتىنىڭ دەرەگىن نەگىزگە الا وتىرىپ حابارلايدى.
انىقتالعانداي، اۋىل اكىمنىڭ جۇرتتىڭ اشۋىن تۋدىرعان بۇل قىلىعى اۋەلى WhatsApp الەۋمەتتىك جەلىسى ارقىلى تاراعان. جەلىگە تاراعان كورىنىستە شاردارا اۋدانىنا قاراستى ق.تۇرىسبەكوۆ اۋىلدىق وكرۋگىنىڭ اكىمى ءا.سەيدالييەۆتىڭ اۋىلدىڭ بىرنەشە ازاماتىمەن بىرگە جۇمىس ورنىندا كارتا ويناپ وتىرعان ارەكەتى تۇسىرىلگەن.
ەڭ سوراقىسى – اكىم اتالعان ويىن ءتۇرىن قىزمەتتىك بولمەسىندە ۇيىمداستىرعان. تەكسەرۋ ناتيجەسىندە بەلگىلى بولعانداي، بۇل كەزدە ۋاقىتتىڭ كەشكى ساعات 21:00-دەر شاماسى ەكەنى، ياعني، ويىن ۇيىمداستىرىلعان ءسات جۇمىستان تىس ۋاقىت ەكەنى دەرەكتەلگەن.
الايدا اكىمنىڭ ەرسى قىلىعى تۇركىستان وبلىسى بويىنشا ادەپ جونىندەگى كەڭەستە ارنايى قارالىپ، مەملەكەتتىك قىزمەتكەرلەردىڭ ادەپ كودەكسىنىڭ تالاپتارىن ساقتاماعانى ءۇشىن وعان «قىزمەتتىنە تولىق سايكەس ەمەستىگى تۋرالى ەسكەرتۋ» تۇرىندەگى تارتىپتىك جازانى قولدانۋ تۋرالى شەشىم قابىلدانعان.
وسىلايشا، ادەپ جونىندەگى كەڭەس تارتىپتىك جازا قولدانۋ تۋراسىنداعى شەشىم شىعارعان. ءوز كەزەگىندە ۇسىنىس شاردارا اۋدانى اكىمىنە جولدانعان.
پىكىر قالدىرۋ