ەلوردادا بيۋدجەت قارجىسىن جىمقىردى دەگەن ايىپ تاعىلعان بۇرىنعى ەنەرگەتيكا ۆيسە-مينيسترلەرىنە قاتىستى كەزەكتى سوت وتىرىسى ءوتتى، دەپ حابارلايدى «حابار 24».
بۇگىن نەگىزگى كۋاگەرلەردىڭ بىرىنەن جاۋاپ الىندى. سونداي-اق پروسەسس بارىسىندا 2017 جىلى بۇرىنعى ۆيسە-مينيستردىڭ كابينەتىندە تۇسىرىلگەن ۆيدەو كورسەتىلدى
ەنەرگەتيكا مينيسترلىگىنىڭ بۇرىنعى ساراپشىسى نازگۇل اليمسۋرينا پروسەسكە قاتىسۋشىلاردىڭ سۇراقتارىنا ەكى كۇن بويى جاۋاپ بەردى. ول اتالعان مينيسترلىككە 2015 جىلى كەلىپ، ەكى جىلدان سوڭ ششۋچينسك-بۋراباي دەمالىس ايماعىنداعى قاراسۋ وزەنىن تازارتۋ جونىندەگى جوباعا بەكىتىلىپتى. ونىڭ ايتۋىنشا، 2017 جىلدىڭ ناۋرىز ايىندا تەحنيكالىق باقىلاۋعا قاتىستى جاريالانعان كونكۋرستا مينيسترلىك باسشىلىعىنان «سترويينتەگراسيا» كومپانياسى جەڭىپ شىعۋى كەرەك» دەگەن نۇسقاۋ بەرىلگەن كورىنەدى. سونداي-اق كۋاگەر كونكۋرستىق كوميسسيانىڭ ءتوراعاسى عاني سادىبەكوۆ ەكەنىن اتاپ ءوتتى. بۇدان بولەك، مەملەكەتتىك ايىپتاۋشىلار 2017 جىلدىڭ شىلدەسىندە بۇرىنعى ۆيسە-مينيستردىڭ كابينەتىندە تۇسىرىلگەن ۆيدەوعا نازار اۋداردى.
بۇرىنعى ۆيسە-مينيستر مەن مەردىگەر كومپانيا ديرەكتورىنىڭ اڭگىمەسىنە سوت الدىندا جاۋاپ بەرگەن نازگۇل اليمسۋرينا سەبەپ بولدى. ول تولەمدى كەشىكتىرگەن كورىنەدى. سوت وتىرىسىندا مەملەكەتتىك ايىپتالۋشىلار وسى ماسەلەگە نازار اۋدارعان سوڭ بۇرىنعى ۆيسە-مينيستر بۇل جايتقا قاتىستى تۇسىنىك بەردى.
عاني سادىبەكوۆكە «ۆيسە-مينيستر كەزىندە قاراسۋ وزەنىندەگى تازارتۋ جۇمسىستارىنىڭ باعاسىن 5 ميلليارد تەڭگەدەن 7،5 ميللياردقا دەيىن نەگىزسىز كوتەردى» دەگەن ايىپ تاعىلىپ وتىر. «سونداي-اق ول كونكۋرستىق كوميسسيانى باسقارىپ تۇرعاندا «سترويينتەگراسيا» كومپانياسىنا بۇيرەگى بۇرعان»، – دەيدى ايىپتاۋشىلار.
پىكىر قالدىرۋ