الەۋمەتتىك جەلىلەردە كوروناۆيرۋسقا بايلانىستى كوپتەگەن اقپاراتتار تاراپ جاتىر. ونىڭ ىشىندە جالعان اقپاراتتار دا كەزدەسەدى. وسى تۇستا دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ ءقاۋىپتى ىندەت تۋرالى جالعان اقپارات تاراتپاۋدى سۇرادى.
«قورقىنىش تۋدىراتىن حابار تاراتۋدى توقتاتىڭىزدار. ولاردىڭ ءبارى قاۋەسەتكە تولى ەكەنىن تاعى دا ەسكەرتەمىز. ادامداردى شاتاستىرۋ جاقسىلىققا اپارمايدى. سوندىقتان دا رەسمي اقپاراتتارعا عانا سۇيەنىڭىزدەر. حالىقارالىق ۇيىمدار كوروناۆيرۋس تۋرالى 200-گە جۋىق جالعان اقپاراتتى تىركەدى. قاۋەسەتتەر مەن جالعان اقپاراتتاردى تالداي وتىرىپ، ولاردىڭ شىندىققا جاناسپايتىنىن ايقىن دالەلدەگەن جۋرناليستەر مەن بلوگەرلەرگە العىسىمىزدى بىلدىرەمىز»، – دەدى احمەتشارىپ بريفينگتە.
سونداي-اق، ول دەنساۋلىق ساقتاۋ مينيسترلىگىنىڭ رەسمي وكىلى بولىپ تاعايىندالعانىن ايتىپ، كۇندەلىكتى جاعدايدى حالىققا ءتۇسىندىرىپ وتىراتىنىن مالىمدەدى. جەلى قولدانۋشىلار مەن ب ا ق وكىلدەرىنەن جالعان اقپارات تاراتپاۋعا شاقىردى.
