قازاقستان ۇكىمەتى ەل اۋماعىندا كوروناۆيرۋستىڭ تارالۋىنا جول بەرمەۋگە "شامامەن 3،5 ملرد تەڭگە" ءبولدى. بۇل اقپاراتتى بۇگىن پارلامەنت ماجىلىسىندە جۋرناليستەر سۇراعىنا جاۋاپ بەرگەن پرەمەر-مينيستردىڭ ءبىرىنشى ورىنباسارى – قارجى ءمينيسترى ءاليحان سمايىلوۆ ايتتى.
- قارجى ۇكىمەتتىك رەزەرۆتەن ءبولىندى. وسى ورايدا كوروناۆيرۋستىڭ تارالۋىنا قارسى كۇرەس جۇمىستارىن جۇرگىزۋ ءۇشىن قاجەتتى دارى-دارمەكتى، ماسكانى، تەپلوۆيزورلار مەن باسقا دا جابدىقتاردى الۋ شارالارى قامتىلادى. شامامەن 3،5 ملرد تەڭگە ءبولىندى. وسى باعىتتاعى جۇمىستاردى دەنساۋلىق ساقتاۋ مينيسترلىگى باقىلايتىن بولادى، - دەدى سمايلوۆ.
قىتايدا تارالعان كورونوۆيرۋستى جۇقتىرعاندار قازاقستاندا اۋماعىندا رەسمي تىركەلگەن جوق. ءبىراق دەنساۋلىق ساقتاۋ مينيسترلىگىڭ سوڭعى اقپاراتى بويىنشا ەلدە 30-دان استام كورونوۆيرۋس كۇدىگىمەن اۋرۋحانادا جاتىر.
پىكىر قالدىرۋ