كوروناۆيرۋس قىتايدا كۇننەن-كۇنگە قايتىس بولعاندار سانى كوبەيىپ جاتىر. سوڭعى رەسمي مالىمەتتەرگە سۇيەنسەك، كوز جۇمعاندار سانى 490-عا جەتسە،  ال ونىڭ 24 324 ادامنان ۆيرۋس بەلگىلەرى تابىلعان. حۋبەي پروۆينسياسىندا ءبىر تاۋلىكتىڭ ىشىندە 65 ادام كوز جۇمعان. بۇل تۋرالى اzattyq حابارلايدى. 

كوروناۆيرۋستىڭ جىلدام تارالۋىنا بايلانىستى قىتايلىقتار ۇيلەرىنەن شىقپاۋعا مىندەتتەلدى جانە ولاردىڭ كوبى حۋبەي پروۆينسياسىندا تۇرادى. ءقازىر كارانتين شاراسى 50 ميلليوننان استام ادامدى قامتىدى. سونىمەن قاتار، قىتايدان تىس ەلدى ايماقتاردا تۇراتىن ادامداردان 176 ۆيرۋس بەلگىلەرى تابىلعان. دارىگەرلەر ۆيرۋستىڭ ادامنان ادامعا جۇعاتىنىن راستادى.

رەسەي مەن اقش جانە وزگە ءبىرقاتار مەملەكەتتەر ءوز ازاماتتارىنا قىتايعا بارۋعا تىيىم سالدى جانە اۋە ۇشاقتارىن توقتاتتى.

ۆيرۋس حۋبەي پروۆينسياسىنىڭ ورتالىعى ۋحانداعى تەڭىز ونىمدەرى بازارىنان تاراعان دەپ ايتىلادى. كەيبىر اقپارات قۇرالدارىنىڭ جازۋىنشا، بازار 1 قاڭتاردا جابىلعانعا دەيىن وندا تەڭىز ونىمدەرى عانا ەمەس، جارقانات، تاۋىق، قويان مەن جىلان زاڭسىز ساۋدالانىپ كەلگەن.

"ۆيرۋستى جۇقتىرۋ وقيعالارىنىڭ 99 پايىزى - قىتايدا تىركەلگەن. قىتايدان تىس ەلدە 176 جاعداي راستالدى. جاعداي ۋشىعۋى مۇمكىن. ءبىراق ءبىزدىڭ ارەكەت ەتۋگە مۇمكىندىگىمىز بار" دەدى 4 اقپاندا دۇنيەجۇزىلىك دەنساۋلىق ساقتاۋ ۇيىمىنىڭ باسشىسى تەدروس گەبرەيەسۋس.