تۇركىستان وبلىسىنىڭ اكىمى ءومىرزاق شوكەيەۆ جانە تۇركىستان قالاسىنىڭ اكىمى راشيد ايۋپوۆتىڭ حالىقپەن ەسەپ بەرۋ كەزدەسۋى ءوتتى. جيىندا ايماق باسشىسى وبلىس ورتالىعىنىڭ الەۋمەتتىك-ەكونوميكالىق دامۋىنا وڭ باعا بەرىپ، ءبىرقاتار ناقتى تاپسىرمالار جۇكتەدى.  بۇل تۋرالى تengrinews حابارلايدى. 

– بىرىنشىدەن، تۇركىستانعا تاريحي مارتەبە بەرۋ – بۇل «ەلباسى» جوباسى ەكەنىن ەستە ۇستاۋىمىز كەرەك، سوندىقتان تاريحي قالانىڭ ساۋلەتتىك كەلبەتىن ساقتاۋ ءۇشىن ءبىز ونىڭ دامۋىنىڭ ءۇش نەگىزگى باعىتىنا توقتادىق. ءۇش ايماقتىڭ ءبىرى – تاريحي-مادەني ايماق، ەكىنشىسى – اكىمشىلىك جانە ىسكەرلىك ورتالىق، ءۇشىنشىسى – ەسكى قالانى مودەرنيزاسيالاۋ، – دەدى شۇكەيەۆ. 

ايماق باسشىسىنىڭ ايتۋىنشا، تۇركىستاندى دامىتۋدىڭ ماڭىزدى ماسەلەلەرىنىڭ ءبىرى – بۇل قالا تۇرعىندارىن تابيعي گاز جانە كارىزبەن 100% قامتاماسىز ەتۋ. تۇرعىنداردى كوگىلدىر وتىنمەن قامتاماسىز ەتۋ ارقىلى قالانىڭ ەكولوگيالىق جاعدايىن جاقسارتۋعا بولادى. ىستىق جازدا كليماتتى جاقسارتۋ ءۇشىن قالادا جاسىل بەلدەۋ مەن سۋلاندىرۋدى دامىتۋ قاجەت. 

سونداي-اق جىل سايىن قالادا تۇرعىن ۇيگە سۇرانىستىڭ ارتىپ كەلە جاتقانىن اتاپ ءوتتى. 

– ءبىز تۇرعىن ۇيلەردىڭ سىرتقى كەلبەتى مەن ساپاسىنا ۇلكەن ءمان بەرەمىز، تۇرعىن ۇيلەرگە كوممۋنالدىق ينفراقۇرىلىمدى (اباتتاندىرۋ، گاز، سۋ، كارىز، ەلەكتر، جىلۋ، بايلانىس جانە ت.ب.) جەتكىزۋ كەرەك. باستى ماقسات – قالانى وزگەرتۋ تۇركىستان – بۇل تۇرعىندار مەن قوناقتار ءۇشىن ىڭعايلى، ءقاۋىپسىز، تازا جانە تارتىمدى ورتالىق، – دەدى ول.

ايتا كەتۋ كەرەك، بۇگىندە اكىمشىلىك-ىسكەرلىك ورتالىقتا جالپى اۋدانى 575،8 مىڭ شارشى مەتر بولاتىن 156 كوپ پاتەرلى ءۇي نەمەسە 7459 پاتەر سالىنۋدا. 2019 جىلدىڭ سوڭىندا 32 تۇرعىن ءۇيدىڭ قۇرىلىسى اياقتالىپ، 1 701 پاتەر پايدالانۋعا بەرىلدى. سونىمەن قاتار، وتكەن جىلى قالادا 100 كوشە توسەلگەن بولاتىن، بيىل وبلىس ورتالىعىنىڭ تاعى 100 كوشەسىنىڭ جولدارىنا اسفالت توسەلەتىن بولادى.