قىتايدى جاۋلاپ العان كوروناۆيرۋس تاعى ءبىر الەۋمەتتىك پروبلەمانى تۋدىردى. دەرتتىڭ وشاعىنا اينالعان ۋحان قالاسىنىڭ تۇرعىندارى 31 جەلتوقساننان باستاپ وزگە ايماققا كوشىرىلگەن كەزدە ءۇي جانۋارلارىن تاستاپ كەتكەن، دەپ حابارلايدى Qamshy.kz اقپارات اگەنتتىگى الماتى تەلەارناسىنىڭ رەسمي سايتىنا سىلتەمە جاساپ.

1-2 كۇننەن كەيىن ۇيگە ورالامىز دەپ ويلاعان ۋحاندىقتار وسىعان دەيىن ءوز ۇيلەرىنە ورالماعان. سونىڭ سالدارىنان ءۇي جانۋارلارى، ونىڭ ىشىندە يت پەن مىسىقتار اشتىقتان قىرىلۋدا. ۋحان بيلىگى 23 قاڭتاردا جاريالاعان كارانتيننەن قالا اۋىستىرعان تۇرعىنداردىڭ ۇيگە ورالماۋ سەبەپتەرىنەن، جالعىز قالعان يت پەن مىسىقتار اشتىقتان جاپپاي قىرىلۋدا. ولاردىڭ سانى ميلليونعا جۋىقتاعان.

– بيىل ءبىز ءبارىمىز بۇرىن-سوڭدى ويلاماعان ءقاۋىپتى دەرتكە دۋشار بولىپ، وتە قيىن ساتتەرمەن بەتپە-بەت كەلدىك. ءتىپتى بۇنىڭ زيانى ءۇي جانۋارلارىنا دا ءتيىپ جاتىر، – دەدى كۋرەر قىتايلىق ينتەرنەت-قاۋىمداستىقتاردىڭ بىرىنە.

– پەكين، تيانسزين جانە شانحاي سياقتى ءبىرقاتار قالالاردا جەرگىلىكتى بيلىك ورگاندارى "قاڭعىباس يتتەر كوروناۆيرۋستى جۇقتىرۋى مۇمكىن" دەپ قاۋىپتەنىپ، ولاردى جويۋ تۋرالى بۇيرىق بەرگەن. الايدا ءبىز مۇنداي جاعدايلار تۋرالى ءالى ناقتى ەشتەڭە بىلمەيمىز، – دەدى "Human Society International" قايىرىمدىلىق قورىنىڭ كومەكشىسى ۆەندي حيگگينس.