الەۋمەتتىك جەلىدە قىزۋ تالقىلانىپ جاتقان وزگە ۇلت وكىلىنىڭ دومبىراعا قۇرمەتسىزدىك تانىتىپ، ارتىنشا ەدەنگە ۇرىپ سىندىرعانى بەينەلەنگەن ۆيدەو وسىدان ءبىر جارىم جىل بۇرىن تۇسىرىلگەنى بەلگىلى بولدى. بۇل تۋرالى دومبىرانى سىندىرعان ازامات بەينەۇندەۋ ارقىلى ايتىپ، قازاق حالقىنان كەشىرىم سۇرادى.
"بۇل – ءبىر جارىم جىل بۇرىن بولعان. مەن ول كەزدە نە ىستەپ، نە قويعانىمدى بىلمەيتىن كۇيدە ەدىم. جاساعان قىلىعىمدى كەيىنىرەك ۆيدەودان كورگەندە ءبىر-اق ءتۇسىندىم. مەن سول كەزدە كەشىرىم سۇراپ، جاساعانىم ءۇشىن جاۋاپ بەرگەنمىن. تاياق تا جەدىم. الايدا الدەكىم ۆيدەونى جەلىگە قايتادان سالىپ جىبەرىپتى. بۇل جولى قارسىلىق تىپتەن ءورشىپ كەتتى. مەن بۇل ارەكەتىم ءۇشىن ۇيالامىن. قازاق حالقىنىڭ اتىنان شىن پەيىلىممەن كەشىرىم سۇرايمىن. كەشىرۋلەرىڭىزدى وتىنەمىن" دەلىنگەن بەينەۇندەۋدە.
بۇعان دەيىن ۋايس ەرسايىن ۇلى اتتى Facebook قولدانۋشىسى الدەكىمنىڭ دومبىرانى سىندىرىپ جاتقانى بەينەلەنگەن ۆيدەونى جاريالاپ، ىشكى ىستەر ءمينيسترى ەرلان تۇرعۇمبايەۆتان ۆيدەوداعى اازاماتتى قازاق ۇلتىنىڭ نامىسىن قورلاپ، ۇلتتىق ارازدىقتى قوزدىرعانى ءۇشىن قىلمىستىق كودەكستىڭ 174-بابىمەن قىلمىستىق جاۋاپقا تارتۋدى سۇراعان.
پىكىر قالدىرۋ