بۇگىن، 6 اقپاندا اقتوبەدە "كامىلەت جاسقا تولماعان قىزىن زورلادى" دەپ ايىپتالعان ەرمەك احمەتوۆقا سوت ۇكىمى شىقتى. سوت ونى قىلمىستىق كودەكستىڭ 120-بابى ("زورلاۋ") جانە 124-بابى بويىنشا كىنالى دەپ تانىپ، 19 جىلعا باس بوستاندىعىنان ايىردى. بۇل اقپاراتتى قازاقستانداعى زورلىق-زومبىلىققا قارسى نەمولچي.kz قوعامدىق ۇيىمىنىڭ باسشىسى دينا ءتاڭسارى Facebook پاراقشاسىندا حابارلادى.

دينا ءتاڭسارىنىڭ جازۋىنشا، سوت ۇكىمىنە سايكەس، احمەتوۆ جازاسىن قاتاڭ رەجيمدەگى مەكەمەدە وتەيتىن بولادى. بۇعان قوسا، ول جابىرلەنۋشىنىڭ زاڭدى وكىلىنىڭ پايداسىنا بەس ميلليون تەڭگە مورالدىق شىعىن تولەۋى ءتيىس. سوتتىڭ بۇل ۇكىمى ءالى زاڭدى كۇشىنە ەنگەن جوق.

بۇل وقيعا 2019 جىلدىڭ 27 اقپانىندا بولعان. اقتوبە وبلىستىق پوليسيا دەپارتامەنتىنىڭ دەرەگىنشە، سول كۇنى احمەتوۆ اقتوبە قالاسىنداعى قارعالى اۋىلى، بەيبىتشىلىك كوشەسىندەگى پاتەرىندە كامەلەت جاسقا تولماعان قىزىن زورلاپ، وقيعا ورنىنان كەتىپ قالعان. كەيىن وعان حالىقارالىق ىزدەۋ جاريالانىپ، قايتادان ۇستالعان ەدى.