بۇل تۋرالى "Qamshy.kz اقپارات اگەنتتىگى مينيسترلىكتىڭ باسپا ءسوز قىزمەتى دەرەگىن نەگىزگە الىپ حابارلايدى.
«دينارا ششەگلوۆا 1982 جىلى سەمەي قالاسىندا تۋعان. 2004 جىلى گۋميليەۆ اتىنداعى ەۋرازيا ۇلتتىق ۋنيۆەرسيتەتىن «حالىقارالىق قۇقىق» ماماندىعى بويىنشا، ال 2007 جىلى قازاق ەكونوميكا، قارجى جانە حالىقارالىق ساۋدا ۋنيۆەرسيتەتىن «مەنەدجمەنت» ماماندىعى بويىنشا، 2011 جىلى قازاق ەكونوميكا، قارجى جانە حالىقارالىق ساۋدا ۋنيۆەرسيتەتىن «اقپاراتتىق جۇيەلەر» ماماندىعى بويىنشا بىتىرگەن»، دەلىنگەن حابارلامادا.
دينارا ششەگلوۆا 2004-2006 جىلدارى قازاقستان رەسپۋبليكاسى اقپارات جانە بايلانىس اگەنتتىگىنىڭ جوبالاردى باسقارۋ ءبولىمىنىڭ باس مامانى بولىپ جۇمىس ىستەدى.
2011 جىلعا دەيىنگى ارالىقتا كوممەرسيالىق سالالاردا ەڭبەك ەتتى.
2011 جىلدان باستاپ «زەردە» ۇلتتىق ينفوكوممۋنيكاسيالىق حولدينگى» اق-دا ينفراقۇرىلىمدىق جوبالار مونيتورينگى دەپارتامەنتىنىڭ باس مەنەدجەرى قىزمەتىندە ىستەي باستادى، كەيىننەن سەرۆيستىك اقپاراتتاندىرۋ مودەلى دەپارتامەنتىنىڭ ديرەكتورى لاۋازىمىنا اۋىستىرىلدى. 2017 جىلى «زەردە» ۇلتتىق ينفوكوممۋنيكاسيالىق حولدينگى» اق باسقارۋشى ديرەكتورى قىزمەتىنە تاعايىندالدى، كەيىننەن حولدينگتىڭ باسقارما ءتوراعاسىنىڭ ورىنباسارى لاۋازىمىن اتقاردى.
2018-2019 جىلدارى قازاقستان رەسپۋبليكاسى اقپارات جانە كوممۋنيكاسيالار ۆيسە-مينيسترى بولىپ ەڭبەك ەتتى.
2019 جىلدان قازىرگە دەيىن قازاقستان رەسپۋبليكاسى پرەمەر-مينيسترىنىڭ كەڭەسشىسى قىزمەتىن اتقاردى.
پىكىر قالدىرۋ