جامبىل وبلىسىنىڭ ماسانچي اۋىلىندا بولعان جاپپاي قاقتىعىستىڭ سەبەبى-ادامدى بالتالاپ تاستاعان دەگەن اقپاراتتى مينيستر جوققا شىعاردى. بۇل تۋرالى اقپارات جانە قوعامدىق دامۋ ءمينيسترى داۋرەن ابايەۆ بريفينگتە ايتتى.
بريفينگتەن كەيىن جۋرناليستەر الەۋمەتتىك جەلىدە تاراپ جاتقان ماسانچيدەگى "قارت كىسى مەن بالالاردى بالتامەن شاپتى" دەگەن اقپاراتتىڭ انىق-قانىعىن سۇرادى.
"جەلىدە تاراعان بۇل اقپارات جالعان"، - دەدى مينيستر.
سونداي-اق، ول قاقتىعىس سەبەبى دەلىنگەن 82 جاستاعى قاريا زارداپ شەككەن تۇرمىستىق جانجال تۋرالى اقپاراتتىڭ ءمان-جايىن ءتۇسىندىردى.
"مۇنداي نۇسقا بار. بۇل تۇرمىستىق جانجال، ءبىراق ناقتى قانداي ەكەنىن ءقازىر انىقتاپ جاتىرمىز"، - دەپ حابارلادى ابايەۆ.
پىكىر قالدىرۋ