مەملەكەت باسشىسى قاسىم-جومارت توقايەۆتىڭ تاپسىرماسىن ورىنداۋ ماقساتىندا ق ر پرەمەر-مينيسترى اسقار ءماميننىڭ وكىمىمەن جامبىل وبلىسىنىڭ قورداي اۋدانىنداعى وقيعا سالدارىن جويۋ جونىندەگى ۇكىمەت كوميسسياسى قۇرىلدى. بۇل تۋرالى رrimeminister حابارلايدى.

ق ر پرەمەر-مينيسترىنىڭ ورىنباسارى ب. ساپاربايەۆتىڭ توراعالىعىمەن قۇرىلعان كوميسسيا قۇرامىنا: جامبىل وبلىسىنىڭ اكىمى - ا. مىرزاحمەتوۆ، ەڭبەك جانە حالىقتى الەۋمەتتىك قورعاۋ ءمينيسترى - ب. نۇرىمبەتوۆ، قازاقستان حالقى اسسامبلەياسى ءتوراعاسىنىڭ ورىنباسارى - ج. تۇيمەبايەۆ، پارلامەنت ءماجىلىسىنىڭ دەپۋتاتى - ش. حاحازوۆ جانە «دۇنگەن قازاقستاندىق قوعامى» قوعامدىق بىرلەستىگىنىڭ ءتوراعاسى - ا. ۆوينسە مەن قارجى، يندۋستريا جانە ينفراقۇرىلىمدىق دامۋ ءبىرىنشى ۆيسە-مينيسترلەرى، اقپارات جانە قوعامدىق دامۋ، ۇلتتىق ەكونوميكا، دەنساۋلىق ساقتاۋ، ءبىلىم جانە عىلىم ۆيسە-مينيسترلەرى، ىشكى ىستەر، قورعانىس مينيسترلەرىنىڭ ورىنباسارلارى، باس پروكۋرور مەن ۇلتتىق قاۋىپسىزدىك كوميتەتى ءتوراعاسىنىڭ ورىنباسارلارى كىردى.

كوميسسيا الدىندا جانجال سەبەپتەرىن انىقتاۋ، سونداي-اق الەۋمەتتىك-ەكونوميكالىق جانە گۋمانيتارلىق سيپاتتاعى ماسەلەلەردى شۇعىل شەشۋدى قامتاماسىز ەتۋ، كەلتىرىلگەن زالالدىڭ ورنىن تولتىرۋدى باعالاۋ مىندەتتەرى قويىلدى.