تۇرعىندار اراسىندا جاپپاي توبەلەس بولىپ، بىرنەشە ادام قايتىس بولعان جامبىل وبلىسى قورداي اۋدانىندا جۇرگەن قامشى ءتىلشىسى كەشەگى جانجال كەزىندە ۇستالعان ازاماتتاردى بوساتۋدى تالاپ ەتىپ تۇرعان قاراكەمەر اۋىلىنىڭ تۇرعىندارىمەن سويلەستى. 

ولاردىڭ ايتۋىنشا، بىر-بىرىنە جاقىن ورنالاسقان ماسانچي (95 پايىز ەتنيكالىق دۇنگەندەر تۇراتىن اۋىل) جانە قاركەمەر (تەك قازاقتار تۇراتىن اۋىل) اۋىلىندا تۇراتىن دۇنگەندەر مەن قازاقتاردىڭ اراسى بۇرىننان دۇرىس ەمەس. وعان سەبەپ - ەكى ۇلتتىڭ اراسىندا بولعان ءاربىر كيكىلجىڭ كەزىندە پوليسەيلەر دۇنگەندەر جاعىنا شىعىپ كەتەدى. 

– زارداپ شەككەن قازاق بولسا دا، دۇنگەندەر سۇتتەن اق، سۋدان تازا بولىپ شىعادى. وسىدان ءبىراز ۋاقىت بۇرىن دۇنگەندەر قازاق مۇعالىمدەردى ۇرىپ-سوعىپ كەتتى. ءبىراق ەشكىم جازالانبادى. ءبىزدىڭ ارامىزدا ۇلتارالىق قاقتىعىس باياعىدان بار. سورتوبەدە وسى ءبىزدىڭ اۋىلدىڭ قىز-كەلىنشەكتەرى جۇمىس ىستەيدى. ءبىزدىڭ قىز-كەلىنشەكتەر كەشكە جۇمىستان قايتۋعا قورقادى. دۇنگەندەر ءتيىسىپ، مازاق قىلادى. الماتى مەن قورداي اراسىندا قاتىناپ جاتقان كولىكتەرگە شابۋىل جاسايدى. بىزدە بولعان قىلمىستىق وقيعالاردىڭ بارلىعى وبلىسقا، رەسپۋبليكاعا شىقپايدى. وسى اۋدان اراسىندا شەشىلىپ كەتەدى. دۇنگەندەردىڭ جوعارى جاقات وتىراتىن "كرىشاسى" بار. دۇنگەندەردىڭ ايتۋىنشا، ولاردى جوعارىدا قىزمەت اتقاراتىن ماشانلو دەگەن گەنەرال قورعايدى، –  دەيدى قاراكەمەرلىكتەر. 

ولاردىڭ سوزىنشە، دۇنگەندەر ۇنەمى "قازاقتار جەر سەندەردىكى، ءبىراق بيلىك بىزدىكى. ءبىز ءبارىن اقشامەن ساتىپ الامىز" دەيتىن كورىنەدى. 

– ەلدىڭ شىدامى ءبىتتى عوي. دۇنگەندەردىڭ "جەر سەندەردىكى بولعانمەن، بيلىك بىزدىكى" دەگەن ءسوزىن كۇندە ەستيمىز، –  دەيدى ولار.