بۇل تۋرالى جامبىل وبلىسىنىڭ اكىمى اسقار مىرزاحمەتوۆ مالىمدەدى، دەپ جازادى "حابار 24".

اتالعان اقپارات قۇرالىنىڭ حابارلاۋىنشا، قورداي اۋدانى تۇرعىندارى اراسىنداعى قاقتىعىس كەزىندە قوردايدا – 47 ادام، اۋقاتتى اۋىلىندا – 44 ادام  ۇستالعان.

بۇدان بۇرىن ىشكى ىستەر ءمينيسترى ەرلان تۇرعىمبايەۆ قورداي اۋدانىنداعى جانجال كەزىندە 47 ادام ۇستالدى دەپ حابارلاعان.

ازاتتىق راديوسى جامبىل وبلىسى اكىمدىگى وكىلدەرىنىڭ مالىمەتىنە سۇيەنىپ قوردايداعى يزولياتوردان – 47 ادام، اۋقاتتى اۋىلىنان 36 ادامنىڭ بوساتىلعانىن حابارلادى. بۇنى اۋىل تۇرعىندارى راستاپ، "ادامدارىمىز تۇگەل، ءبارى شىقتى" دەگەن.

قورداي اۋدانىنداعى تۇرعىندار اراسىنداعى قاقتىعىستان 8 ادام قازا بولدى. 127 ادام مەديسينالىق كومەككە جۇگىنگەن. ونىڭ ىشىندە 39-ى وق جاراقاتىن العان. تاعى 43 ادام اۋرۋحانادا ەم قابىلداپ جاتىر. جەتەۋى جانساقتاۋ بولىمىندە. 5 ناۋقاس سانيتارلىق اۆياسيا ارقىلى الماتى قالاسىنا جانە بىرەۋى تاراز قالاسىنا، سونىمەن قاتار 13 ادام تۋىسقاندارىنىڭ كومەگىمەن كورشى قىرعىز ەلىندەگى توقماق اۋرۋحاناسىنا جەتكىزىلگەن.