قوردايلىق دارىگەرلەر دۇنگەندەر "ۇرىپ-سوققان" قاريانىڭ جاعدايى تۋرالى اقپارات بەرمەي وتىر

/image/2020/02/08/crop-151_11_387x516_1752526.png

الەۋمەتتىك جەلىدە 5 اقپاندا ەتنيكالىق دۇنگەندەر ۇرىپ-سوققان جامبىل وبلىسى قورداي اۋدانى قاراكەمەر اۋىلىنىڭ تۇرعىنى تولەگەن قۇداشبايەۆ "قايتىس بولدى" دەگەن اقپارات  تارالىپ جاتىر.

اقپاراتتىڭ راس-وتىرىگىن انىقتاۋ ماقساتىندا قامشى ءتىلشىسى قورداي اۋداندىق اۋرۋحاناسىنا باردى. الايدا دارىگەرلەر بۇل دەرەك تۋرالى پىكىر بىلدىرۋدەن باس تارتتى. بۇعان قوسا، اۋداندىق ارۋحانانىڭ دارىگەرلەرى قوردايداعى بىرنەشە اۋىلدا بولعان تۇرعىندار اراسىنداعى جاپپاي توبەلەس كەزىندە جاراقات الىپ، اۋرۋحانادا جاتقان ازاماتتار تۋرالى دا اقپارات بەرمەدى. 

جۋرناليستەرگە تىركەۋ بولىمىندەگى قىزمەتكەر كەزەكشى دارىگەرگە سىلتەپ، كەزەكشى دارىگەر - ايدىن اسقار ۇلى اۋرۋحانانىڭ اكىمشىلىگىنەن سۇراۋ كەرەكتىگىن ايتتى. اۋرۋحانا اكىمشىلىگى ورنىندا بولماي شىقتى.

وسىلايشا، جالعان اقپارات تاراتپاۋعا شاقىرىپ جاتقان رەسمي ورگاندار ماڭىزدى ماسەلەدە وزدەرى ءۇنسىز وتىر.

 

قاتىستى تەگتەر :

پىكىر قالدىرۋ

قاتىستى ماقالالار