بەلگىلى قوعام قايراتكەرى مۇرات اۋەزوۆ جامبىل وبلىسىنىڭ قورداي اۋدانىندا بولعان قايعىلى وقيعا تۋرالى پىكىر ءبىلدىردى، دەپ حابارلايدى قازاقپارات.
– مەن ءۇشىن قايعىلى كۇندەر ءوتىپ جاتىر. قوردايدا باۋىر باۋىرىن ءولتىردى. ادام ءولدى. ۇيلەر ورتەندى. 90-جىلدارى دۇنگەن مەكتەپتەرىنىڭ ءبىرىن قورعاپ ەدىم. جەرىمىز ەكسپانسياعا تۇسكەن كەز كەلگەن جاعدايدا دۇنگەندەر مىڭجىلدىق جاۋىنگەرلىك تاجىريبەسىمەن ءبىزدىڭ جاقتاسىمىز بولدى جانە بولا بەرەتىنىنە سەنىمدىمىن. قازاق جانە قىرعىز جەرلەرى ولاردىڭ ەڭبەكقورلىعى مەن ەككەن ەگىنى ءۇشىن رازى. ءبىزدىڭ ءدىنىمىز ورتاق. ورتالىق ازيا اسپانى استىندا ءبارىمىز تەڭبىز. باۋىرىن ءولتىرۋ – جاقسى نىشان ەمەس. باۋىرىن ولتىرگەندەر ءوزىنىڭ جانە ۇرپاقتارىنىڭ ومىرىنە قارعىس ارقالايدى. بۇرىن سولاي بولعان جانە سولاي بولىپ قالا بەرەدى، – دەدى مۇرات اۋەزوۆ.
پىكىر قالدىرۋ