قازاقستاننىڭ بۇرىنعى پرەزيدەنتى، ءقازىر قاۋىپسىزدىك كەڭەسىنىڭ ءتوراعاسى قىزمەتىن اتقاراتىن نۇرسۇلتان نازاربايەۆ قاۋىپسىزدىك كەڭەسىندە ءبىرقاتار كادارلاردى اۋىستىردى. بۇل تۋرالى elbasy.kz سايتى حابارلادى.
نازاربايەۆتىڭ شەشىمىمەن تيمۋر تاشىمبايەۆ قاۋىپسىزدىك كەڭەسى حاتشىسىنىڭ ورىنباسارى، قايىرگەلدى ەسەنەيەۆ قاۋىپسىزدىك كەڭەسىنىڭ اسكەري قاۋىپسىزدىك جانە قورعانىس ءبولىمىنىڭ مەڭگەرۋشىسى، ازامات ءومىرزاق ۇلى بەيىسبەكوۆ اسكەري قاۋىپسىزدىك جانە قورعانىس ءبولىمى مەڭگەرۋشىسىنىڭ ورىنباسارى قىزمەتىنە تاعايىندالدى.
ال نازاربايەۆتىڭ شەشىمىمەن باسقا جۇمىسقا اۋىسۋىنا بايلانىستى مۇرات بايمۇقاشيەۆ قاۋىپسىزدىك كەڭەسى حاتشىسىنىڭ ورىنباسارى قىزمەتىنەن، اندرەي كالينين قاۋىپسىزدىك كەڭەسىنىڭ اسكەري قاۋىپسىزدىك جانە قورعانىس ءبولىمى مەڭگەرۋشىسىنىڭ ورىنباسارى قىزمەتىنەن بوساتىلدى.
پىكىر قالدىرۋ