ەڭبەك جولىن 1969 جىلى زادارينسكيي سوۆحوزىنىڭ جۇمىسشىسى رەتىندە باستادى. 

1977 جىلى الماتى حالىق شارۋاشىلىعى ينستيتۋتىن ەكونوميست ماماندىعى بويىنشا ءبىتىردى. ينستيتۋتتى بىتىرىسىمەن رەسپۋبليكالىق مەملەكەتتىك ەڭبەك جيناقتاۋ كاسسالارى باسقارماسىندا ەكونوميست بولىپ ەڭبەك ەتتى.

1977–1988 جىلدار ارالىعىندا – قازسرو قارجى مينيسترلىگىندە ەكونوميست، اعا ەكونوميست، جەتەكشى، باس ەكونوميست، ءبولىم باستىعىنىڭ ورىنباسارى قىزمەتتەرىن اتقارعان.

1988–1994 جىلدارى – جوسپارلاۋ-قارجى باسقارماسىنىڭ باستىعى، باس ەكونوميكا باسقارماسىنىڭ باستىعى، ق ر ءبىلىم ءمينيسترىنىڭ ورىنباسارى.

ءبىر جىلعا جۋىق ۋاقىت پرەزيدەنت اپپاراتى ءبولىمى مەن ق ر مينيسترلەرى كابينەتى مەڭگەرۋشىسىنىڭ ورىنباسارى قىزمەتىن اتقارعان.

1994–1995 جىلدارى – ق ر مينيسترلەرى كابينەتىنىڭ ىستەر باسقارماسىنىڭ قارجى، ەڭبەك جانە الەۋمەتتىك قورعاۋ ءبولىمى مەڭگەرۋشىسىنىڭ ورىنباسارى جانە مەڭگەرۋشىسى بولدى.

1995 جىلعى ناۋرىز–قىركۇيەك ارالىعى – ق ر مينيسترلەرى كابينەتى اپپاراتىنىڭ باسشىسى.

1995 جىلعى قىركۇيەكتە قىزىلوردا وبلىسىنىڭ اكىمى بولىپ تاعايىندالدى.

1999 جىلعى شىلدە مەن 2002 جىلعى تامىز – وڭتۇستىك-قازاقستان وبلىسىنىڭ اكىمى.

قازاقستان رەسپۋبليكاسى كەدەندىك باقىلاۋ اگەنتتىگىنىڭ ءتوراعاسى، قازاقستان رەسپۋبليكاسى قارجى مينيسترلىگىنىڭ ۆيسە-مينيسترى – كەدەندىك باقىلاۋ كوميتەتىنىڭ ءتوراعاسى.

2006–2007 جىلدار ارالىعىندا – پرەمەر-مينيستر كەڭسەسى باسشىسىنىڭ ورىنباسارى – ق ر پارلامەنتىندەگى ۇكىمەتتىڭ وكىلى.

2007 جىلعى قاپان مەن تامىز ارالىعىندا –  ەكونوميكا جانە بيۋدجەتتىك جوسپارلاۋ ۆيسە-مينيسترى.

2007 جىلدىڭ تامىزىنان باستاپ قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى لاۋازىمىن اتقارعان.

2009 جىلعى 4 ناۋرىزدان 2014 جىلعى 11 قاراشا ارالىعىندا – شىعىس قازاقستان وبلىسىنىڭ اكىمى.

2014 جىلدىڭ 11 قاراشاسىنان باستاپ پرەزيدەنت جارلىعىمەن ق ر پرەمەر-مينيسترىنىڭ ورىنباسارى قىزمەتىنە تاعايىندالدى.

2015 جىلعى 11 قىركۇيەكتە قازاقستان رەسپۋبليكاسى پرەزيدەنتىنىڭ جارلىعىمەن اقتوبە وبلىسىنىڭ اكىمى بولىپ تاعايىندالدى.

2019 جىلعى 25 اقپاندا پرەزيدەنت جارلىعىمەن ق ر ەڭبەك جانە حالىقتى الەۋمەتتىك قورعاۋ ءمينيسترى قىزمەتىنە تاعايىندالدى.

2019 جىلعى 20 تامىزدا ەڭبەك جانە حالىقتى الەۋمەتتىك قورعاۋ ءمينيسترى قىزمەتىنەن بوساتىلىپ، ق ر پرەمەر-مينيسترىنىڭ ورىنباسارى قىزمەتىنە تاعايىندالعان. ول بۇل قىزمەتتى بۇگىنگى كۇنگە دەيىن اتقارىپ كەلدى.