قىرعىزستان پرەزيدەنتى قوردايداعى قاقتىعىستا قازا بولعانداردىڭ وتباسى مەن جاقىندارىنا كوڭىل ايتىپ، زارداپ شەككەندەردىڭ ساۋىعىپ كەتۋلەرىنە تىلەكشى ەكەنىن ءبىلدىردى..
پرەزيدەنت قاسىم-جومارت توقايەۆ قىرعىزستان باسشىسى سوورونباي جەەنبەكوۆپەن تەلەفون ارقىلى سويلەسىپ، جامبىل وبلىسى قورداي اۋدانىنداعى ورىن العان وقيعا تۋرالى تالقىلادى، دەپ اقوردانىڭ باسپا ءسوز قىزمەتى حابارلادى.
توقايەۆ سوورونباي جەەنبەكوۆكە كورسەتكەن قولداۋى ءۇشىن العىس ءبىلدىردى جانە «ءبىزدىڭ تاتۋ كورشىلىگىمىز - ورتا ازيا ايماعىنداعى تۇراقتىلىقتىڭ ماڭىزدى فاكتورى» دەپ اتاپ ءوتتى. سونىمەن قاتار ەكى ەل باسشىلارى ساياسي ماڭىزى بار وزگە دە پروبلەمالاردى تالقىلاعان.
پىكىر قالدىرۋ