بۇنداي ويدى ق ر ءبىلىم جانە عىلىم ءمينيسترى اسحات ايماعامبەتوۆ جەتكىزدى، دەپ حابارلايدى Qamshy.kz اقپارات اگەنتتىگى مينيسترلىكتىڭ باسپا ءسوز قىزمەتى دەرەگىن نەگىزگە الىپ. 

ءمينيستردىڭ ايتۋىنشا، بار ماسەلە – ىنتالاندىرۋدا، ياعني ءقازىر ديرەكتورلاردىڭ ايلىعى مۇعالىمدەردىڭ ايلىعىنان تومەن بولىپ وتىر.

«ديرەكتورلار ءۇشىن جاي عانا ءمۇعالىم بولىپ ىستەگەن ىڭعايلى. ديرەكتورلاردىڭ جاۋاپكەرشىلىگى جوعارى جانە قاعازباستىلىق كوپ، بالالارمەن جۇمىس ىستەۋ دەڭگەيى دە وزگەشە. بار ماسەلە – ىنتالاندىرۋدا، ياعني ديرەكتورلاردىڭ ايلىعى مۇعالىمدەردىڭ ايلىعىنان تومەن. وسى ورايدا جالاقىنى 2 ەسەگە ارتتىرۋ ديرەكتورلار مەن ولاردىڭ ورىنباسارلارىنا دا قاتىستى بولماق. ەندىگى كەزەكتە ديرەكتورلار ءوز شەبەرلىكتەرىنە بايلانىستى ساناتتارعا ءبولىنىپ، ءوز جالاقىلارىن 2 ەسەگە، ياعني 100 پايىزعا ارتتىرۋ مۇمكىندىگىنە يە. ديرەكتورلاردى دا قولدايتىن بولامىز»،- دەيدى ا. ايماعامبەتوۆ.

"قولداۋ" دەمەكشى، مينيستر جۋرناليستەرمەن بولعان سۇحباتتا سولتۇستىك قازاقستان جانە ورتالىق وڭىرلەردە ديرەكتورلار مەن ولاردىڭ ورىنباسارلارىنىڭ تاپشىلىعى دا بارىن اتاپ ءوتتى.